Baldy Beacon
| Baldy Beacon | ||
|---|---|---|
| Barggrupp: | Mountain Pine Ridge, Maya-Bargen | |
| Hööchd: | 1.020 m över de See | |
| Land: | Belize | |
| Laag: | Cayo | |
| Kuntinent: | Amerika | |
| Koordinaten: | Koordinaten:17° 0′ N, 88° 47′ W17° 0′ N, 88° 47′ W | |
| ||
De Baldy Beacon is en 1.020 m över de See hogen Barg in de Mountain Pine Ridge von de Maya-Bargen. De Barg liggt in’n Distrikt Cayo von Belize un is de höögste Punkt von de Mountain Pine Ridge. Op’n Bargtopp steiht en Radio-Senneanlaag.
De Mountain Pine Ridge is en Hoogland mit Granit-Ünnergrund. De siederen Lagen sünd tropischen Regenwoold, de högeren Lagen un dormit ok de Baldy Beacon sünd aver Grasland. Dat Rebeed blifft to’n gröttsten Deel ünner 1000 m. De Baldy Beacon is de eenzige Barg, de knapp höger is. De nächstsiederen Bargen Sibun Hill (995 m över de See) un Cooma Cairn (953 m över de See) blievt ünner 1000 m.
Direkt in’n Süden grenzt de Bargtopp an de Mountain Pine Ridge Forest Reserve, de Bargtopp sülvs is aver nich Deel von dat Schuulrebeed.
De Barg is de Waterscheed twüschen Roaring Creek in’n Noordwesten, Boomsma Creek in’n Noorden (flütt in’n Roaring Creek), Caves Branch in’n Noordoosten un in’n Süden en Beek, de in’n Macal River münnt.