Thousand Foot Falls

De Waterfall von de Utkiek-Plattform dichtbi ut keken

De Thousand Foot Falls oder ok Hidden Valley Falls sünd en Waterfall in’n Distrikt Cayo von Belize. De Waterfall liggt in de Mountain Pine Ridge (Deel von de Maya-Bargen) an en Beek, de na’n Roaring Creek flütt, un annerthalv Kilometer von’n Roaring Creek weg.

De Waterfall fallt in Stufen von dat Granit-Plateau von de Mountain Pine Ridge in dat Daal von’n Roaring Creek, wat en Högenünnerscheed von üm un bi 500 Meter is. Dat sünd 1600 Foot, also sogor mehr as de 1000 Foot ut’n engelschen Naam von de Waterfäll.

Dat Rebeed is siet 2004 as 522 Hektar groot Thousand Foot Falls Natural Monument schuult. De eenzige Straat na de Waterfäll föhrt över de Chiquibul Road, May Gate un den Nojkaaxmeen-Eligio-Panti-Natschonaalpark.

Weblenken

Thousand Foot Falls. Mehr Biller, Videos oder Audiodateien to’t Thema gifft dat bi Wikimedia Commons.