Proteus (Maand)

Vun Wikipedia
Opnaam vun Proteus

Proteus (ok as Neptun VIII betekent) is de tweet gröttste Maand vun den Planet Neptun. Opdeckt worrn is Proteus vun de Ruumsond Voyager 2, as de 1989 vörbiflagen is. Nöömt is de Maand na den Seegott Proteus ut de greekschen Mythologie.

Ümloop[ännern | Bornkood ännern]

Proteus bewegt op en Ümloopbahn teemlich dicht an Neptun mit en middleren Afstand vun 117.647 km. Liekers dat Proteus noch grötter is as Nereid künn de Maand wegen dissen lütten Afstand vun de Eer ut nich opdeckt warrn, vun wegen dat dat vun Neptun reflekteerte Sünnlicht den vergliekswies lütten Maand överstrahlen de.

För een Ümloop bruukt de Maand ruchweg 27 Stünnen. De Bahn is üm 0,04° gegen den Äquater vun’n Neptun neegt. As de meisten Maanden hett ok Proteus en bunnen Rotatschoon, so dat jümmer de glieke Siet vun den Maand na’n Neptun henwiest.

Physikaalsche Egenschoppen[ännern | Bornkood ännern]

Proteus hett en unregelmatige Form mit en Grött vun 440×416×404 km³. Sien Grött is jüst so even to wenig, as dat sien egene Swoorkraft em in en Kugelform dwingen deit. De Böverflach vun Proteus wiest bannig vele Kraters op, man annere Henwiesen op en geoloogsche Aktivität sünd nich to finnen.

De Böverflach is mit en Albedo vun 0,06 teemlich düster. Dat heet, dat blots 6 % vun dat instrahlte Sünnlicht wedder reflekteert warrt.

Weblenken[ännern | Bornkood ännern]

Proteus. Mehr Biller, Videos oder Audiodateien to’t Thema gifft dat bi Wikimedia Commons.