Naiad (Maand)

Vun Wikipedia
Bild vun Naiad

Naiad (ok as Neptun III betekent) is en vun de lütten Maanden vun den Planet Neptun. Opdeckt worrn is Naiad vun de Ruumsond Voyager 2, as de 1989 vörbiflagen is. Dat weer de letzte Maand, de bi’n Vörbiflaag opdeckt worrn is. Nöömt is de Maand na de Najaden, dat sünd Born- un Waternymphen ut de greekschen Mythologie.

Ümloop[ännern | Bornkood ännern]

Naiad bewegt op en Ümloopbahn teemlich dicht an Neptun mit en middleren Afstand vun 48.200 km. Dormit hett de Maand den lüttesten Afstand vun’n Neptun vun all sien bekannten Maanden. För een Ümloop bruukt de Maand ruchweg 7 Stünnen un 6 Minuuten. De Bahn is üm 4,74° gegen den Äquater vun’n Neptun neegt. As bi de meisten Maanden, so warrt ok bi Naiad en bunnen Rotatschoon vermoodt, so dat jümmer de glieke Maandsiet na’n Neptun henwiest.

De Ümloopbahn vun Naiad liggt in en kritischen Afstand binnen de Roche-Grenz. Dat hett, dat de Maand inst vun de Tiedenkräft twei reten warrt un wohrschienlich denn en Ring üm Neptun billn warrt. Dat is aver ok mööglich, dat dat dorto nich kummt un Naiad in de Atmosphäär vun’n Neptun insleiht.

Physikaalsche Egenschoppen[ännern | Bornkood ännern]

Naiad hett en unregelmatige Form mit en Grött vun 96×60×52 km³. De middleren Dörmeter liggt ruchweg bi 66 km. Sünnere geoloogsche Strukturen wiest de Maand nich op .

De Böverflach is mit en Albedo vun 0,072 teemlich düster. Dat heet, dat blots 7,2 % vun dat instrahlte Sünnlicht wedder reflekteert warrt.

Weblenken[ännern | Bornkood ännern]

Naiad. Mehr Biller, Videos oder Audiodateien to’t Thema gifft dat bi Wikimedia Commons.