Portshemm

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Kumbarg
Inwahners:
Postleettall:	21787
Vörwahl:	04772
Geograafsche Laag:	53° 47′ N, 9° 8′ O

Portshemm (hoochdüütsch Portshemm) is en Oort in de Gemeen Kumbarg (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Geversdörp mit bi.

Geografie

De Oort liggt in de Masch von de Oost direkt achter’n Diek. Dat Water ut dat Rebeed flütt in’n Noorden na de Krummendieker Wettern af un in’n Süden över de Neensee’er Wettern.

De Naveröörd sünd Wetterdiek in’n Noorden, de Seeweg in’n Noordoosten, Reetbraak, Dammhoff un Bentwisch in’n Süüdoosten, Laak mit Heuhoff un Mannhusen in’n Süden, Good Neendiek in’n Westen un Snook, Olendecken un Neenslüüs in’n Noordwesten.

Historie

Dat Good Portshemm het bet 1720 de Familie von Katte tohöört.

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

De Oort höört von öllers bi de Gemeen Geversdörp mit bi, de an’n 1. November 2016 Deel von de Gemeen Kumbarg worrn is.

Inwahnertall

Johr	Inwahners
1793-00-001793	3 Füürsteden
1824-00-001824	3 Füürsteden
1848-00-001848	39 Lüüd, 3 Hüüs
1871-12-011. Dezember 1871	18 Lüüd, 3 Hüüs

Religion

Portshemm is evangeelsch-luthersch präägt un höört to dat Kaspel von de Andreas-Kark in Geversdörp.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

Verkehr

De Straat dör Portshemm is in’n Süden bi Öberndörp an de Kreisstraat 24 un de Landsstraat 113 anslaten. In’n Noorden geiht de Straat bi Neenslüüs an de K 26 ran. De Verkehr mit dat annere Över von de Oost löppt kumplett över de Brügg in Geversdörp un de Brügg in Öberndörp.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 33 Kilometer in’n Noordwesten von Portshemm.

De nächste Bahnhoff is so bi acht Kilometer wied weg in’n Süüdwesten de Bahnhoff Wingst an de Nedderelvbahn.