Heuhoff
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21784 | |
| Vörwahl: | 04772 | |
| Geograafsche Laag: | Koordinaten:53° 47′ N, 9° 8′ O53° 47′ N, 9° 8′ O | |
|
| ||
Heuhoff (hoochdüütsch Heuhof) is en Hoff in de Gemeen Kumbarg (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Geversdörp mit bi un dor to Laak.
Geografie[ännern | Bornkood ännern]
De Heuhoff liggt in de Masch achter’n Diek von de Oost.
De Naveröörd sünd Olendecken un Portshemm in’n Noorden, Reetbraak un Dammhoff in’n Noordoosten, Bentwisch un Mannhusen in’n Süüdoosten, Oostercaadwisch in’n Süüdwesten un Neendiekerdörp, Neendiek un Good Neendiek in’n Noordwesten.
Historie[ännern | Bornkood ännern]
Dat Good Heuhoff hett de Familien Katte un von Brock tohöört. To dat Good hett ok de Unrechte Möhl höört. Dat weer en Buckmöhl, de 1670 al stahn hett. Se hett Unrechte Möhl heten, von wegen dat de Flögels sik annersrüm dreiht hebbt as dat begäng weer. Blangen de Möhl is an’t Enn von dat 19. Johrhunnert en Dampmöhl boot worrn. De Unrechte Möhl sülvs is in en Störm in’n Dezember 1916 ümstört.
Twüschen Heuhoff un Portshemm hett dat fröher en Kahnfähr över de Oost geven.[1]
Verwaltungsgeschicht[ännern | Bornkood ännern]
De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort höört von öllers bi de Gemeen Geversdörp mit bi, de an’n 1. November 2016 Deel von de Gemeen Kumbarg worrn is.
Inwahnertall[ännern | Bornkood ännern]
| Johr | Inwahners |
|---|---|
| 1848[2] | 11 Lüüd, 1 Huus |
| 1. Dezember 1871[3] | 8 Lüüd, 1 Huus |
Religion[ännern | Bornkood ännern]
Heuhoff is evangeelsch-luthersch präägt un höört to dat Kaspel von de Andreas-Kark in Geversdörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Heuhoff liggt an de Kreisstraat 25, de in’n Noordwesten över Geversdörp bi Neehuus an de Bundsstraat 73 ran geiht un in’n Süden na Öberndörp.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 32 Kilometer in’n Noordwesten von Heuhoff.
De nächste Bahnhoff is so bi söven Kilometer wied weg in’n Süüdwesten de Bahnhoff Wingst an de Nedderelvbahn.
Footnoten[ännern | Bornkood ännern]
- ↑ http://www.fjordfaehren.de/d/d_oste.htm
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 136: http://books.google.de/books?id=eOI-AAAAcAAJ&pg=PA136
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146: https://books.google.de/books?id=qTZDAQAAMAAJ&pg=RA2-PA146