Good Neendiek

Vun Wikipedia
Zur Navigation springen Zur Suche springen

Dat Good Neendiek (hoochdüütsch Gut Niendieck) is en ehmalig Eddelgood, dat twüschen de Öörd Geversdörper Oortsdelen Neendiek un Laak liggt. Dat höört to de Gemeen Kumbarg (Samtgemeen Land Hadeln) in’n Landkreis Cuxhoben, Neddersassen.

Geografie[ännern | Bornkood ännern]

Dat Good liggt in de Masch von de Oost. Dat Water ut dat Rebeed warrt över Gravens na de Oost hen afföhrt, de üm un bi 500 Meter von dat Good af is.

De Öörd ümto sünd Olendecken un Portshemm in’n Oosten, Laak in’n Süüdoosten, Neendiekerdörp un Neendiek in’n Süüdwesten un Marn, Neenseebagen un de Snook in’n Noordwesten.

Historie[ännern | Bornkood ännern]

Dat eerste Besitter von dat Good, de in de Oorkunnen vörkummt, is de Landraad Marquart von Katt.

1905 is dat ole Goodshuus afbrennt un denn in’n Stil von de Grünnertied nee boot worrn.

Vondaag leevt op dat Good de Familie Holzheu.

Verwaltungsgeschicht[ännern | Bornkood ännern]

Dat Good hett vör 1885 to dat Kaspel Geversdörp in dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Dat Good Neendiek höört al von öllers bi de Gemeen Geversdörp mit bi, de an’n 1. November 2016 Deel von de Gemeen Kumbarg worrn is.

Inwahnertall[ännern | Bornkood ännern]

Johr Inwahners
1848-00-001848[1] 15 Lüüd, 1 Huus
1871-12-011. Dezember 1871[2] 23 Lüüd, 2 Hüüs
1885-12-011. Dezember 1885[3] 23 Lüüd, 3 Hüüs
1905-12-011. Dezember 1905[4] 24 Lüüd, 3 Hüüs

Religion[ännern | Bornkood ännern]

Dat Good is evangeelsch-luthersch präägt un höört to dat Kaspel von de Andreas-Kark in Geversdörp.

För de Kathoolschen is de Hillig-Krüüz-Kark in Oterndörp tostännig.

Footnoten[ännern | Bornkood ännern]

  1. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 137
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 156
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 127


Koordinaten:53° 47′ N, 9° 7′ O