Laak (Geversdörp)

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Kumbarg/Geversdörp
Inwahners:
Postleettall:	21784
Vörwahl:	04752
Geograafsche Laag:	53° 47′ N, 9° 8′ O

Laak (hoochdüütsch Laak) is en Oort in de Gemenen Kumbarg un Öberndörp in’n Landkreis Cuxhoben, Neddersassen.

Geografie

Laak liggt in de Masch an dat linke Över von de Oost. In’n Noordwesten liggt dat Naturschuulrebeed Snook. Dat gröttere Stück von Laak höört to Geversdörp, de Hüüs in’n Süden höört aver al to dat Rebeed von de Gemeen Öberndörp.

De Naveröörd sünd Wetterdiek in’n Noorden, Portshemm in’n Noordoosten, Bentwisch in’n Süüdoosten, Öberndörp in’n Süden, Voigtding un Kumbarg in’n Süüdwesten un Itzwöörden un Geversdörp mit Good Neendiek un Marn in’n Noordwesten.

Historie

Een von de Hööv in Laak weer de Eddelhoff Brobargen.

Laak weer vör 1885 in’t Amt Neehuus un na 1885 in’n Kreis Neehuus. 1932 is dat an’n Landkreis Land Hadeln kamen un 1977 denn an’n Landkreis Cuxhoben.

De Oort höört von öllers bi de Gemeen Geversdörp mit bi, de an’n 1. November 2016 Deel von de Gemeen Kumbarg worrn is.

Inwahnertall

Johr	Inwahners
1824-00-001824	28 Füürsteden
1848-00-001848	170 Lüüd, 28 Hüüs

Religion

Laak is evangeelsch-luthersch präägt un höört to dat Kaspel von de Andreas-Kark in Geversdörp, de Süüddeel to dat Kaspel von de Georgskark in Öberndörp.

För de Kathoolschen in’n Noorddeel is de Hillig-Krüüz-Kark in Oterndörp tostännig.

Infrastruktur

Verkehr

Laak liggt an de Kreisstraat 25, de in’n Noordwesten na Geversdörp un an de Landsstraat 111 ran geiht, de een Kilometer wieder denn sülvs in de Bundsstraat 73 münnt. In’n Süüdoosten geiht de Straat na Öberndörp.

De nächsten Bahnhööv sünd de Bahnhoff Kumbarg un de Bahnhoff Wingst in Watermöhl an de Nedderelvbahn.