Plönjeshusen

Wapen/Flagg

Koort

Basisdaten

Bundsland: Neddersassen

3,97 km²

249 (2015-01-3131. Januar 2015)

Inwahnerdicht:

62,7 Inwahners pro km²

Postleettall:

27432

Vörwahl:

04761

Geograafsche Laag:

Koordinaten:53° 26′ N, 9° 12′ O53° 26′ N, 9° 12′ O

Plönjeshusen (hoochdüütsch Plönjeshausen) is en Dörp in de Gemeen Bremervöör, in’n Landkreis Rodenborg, Neddersassen. De Oort liggt an de Bever.

Geografie

In Plönjeshusen münnt de Duxbeek in de Bever.

De Naveröörd sünd Heesdörp un Övelgünn in’n Noorden, Byhusen in’n Noordoosten, Malst in’n Oosten, Deins in’n Süüdoosten, Bockhorst in’n Süden, Sandbossel in’n Süüdwesten, Minst in’n Westen un Bevern in’n Noordwesten.

Historie

De Legenn seggt, dat dat Dörp 1411 grünnt worrn is. Arzbischop Jan II. von Slamersdörp hett en Konkubin, de em vör en Kumplott gegen em wohrschaut hett, as Dank en Möhlengood an de Steed, wo de Duxbeek in de Bever flütt, schenkt. Disse Deern hett latiensch Apollonia heten un ut ehr plattdüütsche Naamform schall de Naam Plönjeshusen kamen. De öllste Oorkunn, in de de Naam vörkummt, is aver eerst von 1459.

In’n Eersten Weltkrieg sünd acht Soldaten ut Plönjeshusen fullen oder vermisst^[1].

Plönjeshusen weer von’n 1. Januar 1971 bet 1974 Maat von de Samtgemeen Oostdaal un is an’n 1. März 1974 denn bi de Gemeenreform in Neddersassen mit de Gemeen Bremervöör tohoopleggt worrn.

Inwahnertall

Johr	Inwahners
1824-00-001824^[2]	14 Füürsteden
1848-00-001848^[3]	107 Lüüd, 16 Hüüs
1910-12-011. Dezember 1910^[4]	123
1925-00-001925^[5]	134
1933-00-001933^[5]	132
1939-00-001939^[5]	144
2005-03-3131. März 2005	227
2009-12-3131. Dezember 2009^[6]	216
2015-01-3131. Januar 2015^[7]	249

Wapen

Dat Wapen wiest op roden Grund links baven en gollen Spitz un rechts en sülvern Bischopsstaff.

Politik

Plönjeshusen hett binnen de Gemeen Bremervöör en egen Oortsvörstand. Dat is Ralf Worringen.

Tied	Oortsvörstand
-2011	Hans Heinrich Knabbe
2011-	Ralf Worringen

Religion

Plönjeshusen is evangeelsch-luthersch präägt un höört to dat Kaspel Bevern.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Kultur

En Denkmaal för de Fullenen ut de twee Weltkrieg’ in Plönjeshusen un Bevern steiht in Bevern bi de Kark.

Verenen

De Heimatvereen Plönjeshusen is an’n 13. Dezember 1974 grünnt worrn. De Heimatvereen bedrifft ok en Museumsanlaag, in de ünner annern en Schaapstall, en Schuur, en Göpel, en Backhuus un twee Schünen staht un to’n Bispeel ole Maschinen ut de Buuree un Warktüüg ut dat Handwark wiest warrt.

Infrastruktur

Verkehr

Plönjeshusen liggt een Kilometer af von de Bundsstraat 71, de in’n Noorden na Bremervöör un in’n Süden na Selsen löppt. De Straten na Bevern un Bockhorst loopt all beid an de B 71 ran. En lüttjere Straat gifft dat ans noch na Malst.

Scholen

Plönjeshusen hett en egen Kinnergoorn.

Literatur

Rainer Brandt: Plönjeshausen: Das Haus der Apollonia. Eine Dorfchronik. 1984

Weblenken

Plönjeshusen. Mehr Biller, Videos oder Audiodateien to’t Thema gifft dat bi Wikimedia Commons.

Websteed to dat Dörp (hoochdüütsch)

Footnoten

↑ http://www.denkmalprojekt.org/dkm_deutschland/bremervoerde-bevern_wk1u2_ns.htm
↑ C. H. Jansen: Statistisches Handbuch des Königreichs Hannover. 1824, Sied 486: http://books.google.de/books?id=tG0AAAAAcAAJ&pg=PA486
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
↑ http://www.gemeindeverzeichnis.de/gem1900/gem1900.htm?hannover/bremervoerde.htm
↑ ^a ^b ^c http://www.verwaltungsgeschichte.de/bremervoerde.html
↑ Bremervörde und die Ortschaften, archiveert in dat Internet Archive
↑ Bremervörde und die Ortschaften

Öörd in de Gemeen Bremervöör

[1] ttp://www.denkmalprojekt.org/dkm_deutschland/bremervoerde-bevern_wk1u2_ns.htm

[InwahnertallRef1-2] C. H. Jansen: Statistisches Handbuch des Königreichs Hannover. 1824, Sied 486: http://books.google.de/books?id=tG0AAAAAcAAJ&pg=PA486

[InwahnertallRef2-3] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141

[InwahnertallRef3-4] ttp://www.gemeindeverzeichnis.de/gem1900/gem1900.htm?hannover/bremervoerde.htm

[verwg.de-5] ttp://www.verwaltungsgeschichte.de/bremervoerde.html

[bremervoerde2009-6] Bremervörde und die Ortschaften, archiveert in dat Internet Archive

[bremervoerde2015-7] Bremervörde und die Ortschaften

[1]

[2]

[3]

[4]

[5]

[6]

[7]