Pasiphae (Maand)

Pasiphae (ok Jupiter VIII) is de achte Maand vun den Planet Jupiter, de opdeckt worrn is.

Opdecken

De Maand is in’n Februar 1908 vun den Astronom Philibert Jacques Melotte in Greenwich opdeckt wurrn. Pasiphae weer op fotograafsch Platten funnen worrn, man toeerst weer nich klor, of dat en Maand oder villicht en Asteroid weer. De Maand hett dorüm eerst de vörlöpig Asteroidenbeteken 1908 CJ kregen. De Opnahm weer al ut den Januar, aver eerst in’n April kenn faststellt warrn, dat sik dat doch üm en Maand hannelt. De Maand is na Pasiphae, de Mudder vun’n Minotaurus ut de greekschen Mythologie nöömt. Ehrn Naam hett he aver eerst 1975 kregen. De Maand geev ok den Naam för de Pasiphae-Grupp, de all teemlich glieke Bahnen hebbt.

Ümloopbahn

Pasiphae kreist in en middleren Afstand vun 23.624.00k km üm den Jupiter un bruukt dorvör ungefähr 743 Daag, 15 Stünnen un 7 Minuuten. De Bahn is düchtig exzentrisch mit 0,4090 un hett en Negen vun 151,431°. Dat heet, de Bahn is retrograd, de Maand lööpt also gegen den Dreihsinn vun Jupiter.

Physikaalsch Egenschoppen

De Maand is ruch weg 50 km in Dörmeter groot un hett dorbi en Dicht vun üm un bi 2,6 g/cm³. Se is dorüm wohrschienlich ut Silikat-Steen opboot. Mit en Albedo vun 0,04 höört Pasiphae to de düsteren Maanden. De middlere Temperatur an de Böverflach liggt bi -102°C.

Maanden vun den Planeten Jupiter

Ahn Naam: S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Kiek ok na bi: List von de Jupiter-Maanden