Helike (Maand)

Vun Wikipedia

Helike (ok Jupiter XLV) is en vun de ganz lütten Maanden vun’n Planet Jupiter. De is ok eerst teemlich laat opdeckt worrn, an’n 6. Februar 2003 neemlich vun en Koppel US-amerikaanschen Astronomen vun de University of Hawaii ünner dat Regeer vun Scott S. Sheppard. Nöömt is de Maand na de Nymphe Helike, de in de greekschen de Amme vun Zeus weer, as se em op Kreta versteken harr.[1] De vörlöpige Beteken vun den Maand weer S/2003 J 6.

Ümloopbahn[ännern | Bornkood ännern]

De Maand Helike kreist op en Ümloopbahn mit en middleren Afstand vun 21.263.000 km üm den Planeten un bruukt dorför üm un bi 634 Daag un 19 Stünnen. De Bahn hett en Exzentrizität von 0,156 un is üm 154,8 ° gegen den Äquater vun den Jupiter neegt. Dormit is de Bewegen vun den Maand retrograad, dat bedüüdt, dat sik de Maand gegen den de Richt vun de Rotatschoon vun den Jupiter bewegen deit. De physikaalsch Egenschoppen vun de Bahn is wat liek as ok annere Maandbahnen. De Maanden warrt dorüm tohopenfaat to de Ananke-Grupp.

Egenschoppen[ännern | Bornkood ännern]

Mit en middleren Dörmeter vun blots 4 km tellt Helike to de ganz lütten Maanden. De Böverflach wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand ok bannig düster. De Dicht warrt op ruchweg 2,6 g/cm³ schätzt. Dorut warrt vermodt, dat Helike tomehrst ut Silikat-Steen opboot is. Ok dor is de Maand liek de annern ut de Ananke-Grupp.

Bornen[ännern | Bornkood ännern]

  1. Die Anankegruppe (dt.)