Eupheme (Maand)

Vun Wikipedia
Zur Navigation springen Zur Suche springen

Eupheme (ok Jupiter LX) is een vun de lütten Maanden vun den Planeten Jupiter.

De Maand is an’n 5. Februar 2003 vun Astronomen an de Universität vun Hawaii opdeckt worrn. Toeerst weer he as S/2003 J 3 betekent. Den offiziellen Naam hett he an’n 23. August 2019 dör de Internatschonale Astronoomsche Union (IAU) kregen, neemlich Eupheme, en Figur ut de greekschen Mythologie.

Ümloopbahn[ännern | Bornkood ännern]

Eupheme bruukt för een Ümloop üm Jupiter ruchweg 583,88 Daag. Dorbi hett de Bahn en middlere Afstand vun 20.224.000 km. De Exzentrizität vun de Bahn is mit 0,197 teemlich groot, dorto kummt en Bahnnegen vun 147,5° gegen de öörtliche Laplace-Even. Dat bedüüt, dat de Maand gegen de Richt vun Jupiter sien Rotatschoon – also retrograd – lööpt.

Wegen sien Bahnegenschoppen warrt Eupheme to de Ananke-Grupp tellt.

Physikaalsche Egenschoppen[ännern | Bornkood ännern]

De Dörmeter vun den Maand liggt bi ruchweg 2 km. De Dicht vun Eupheme warrt op 2,6 g/cm³ schätzt. Man geiht dorvun ut, dat de Maand vör allen ut Silikat-Stenen opboet is. De Böverflach is teemlich düster mit en Albedo vun jüst man 0,04.