Kalyke (Maand)

Vun Wikipedia

Kalyke (ok Jupiter XXIII) is en vun de lütten Maanden wieter buten vun den Planeten Jupiter.

Opdeckt weer de Maand an’n 23. November 2000 dör en Koppel vun Astronomen ünner dat Regeer vun S. Sheppard. Toeerst weer he as S/2000 J 2 nöömt, later denn hett he den Naam vun Kalyke, en Leefste vun Zeus ut de greekschen Mythologie, kregen.

Ümloopbahn[ännern | Bornkood ännern]

Kalyke löpt in en middleren Afstand von 23.583.000 km üm den Jupiter un bruukt dorför 743 Daag. De Maandbahn hett en Exzentrizität vun 0,245 un wiekt mit sien Bahn bannig vun en Kreis af. De Bahn is butendem üm 165,2° gegen den Jupiter-Äquater neegt. Dormit löpt Kalyke retrograd, also gegen den Dreihsinn vun’n Jupiter, üm den Planeten.

Vun wegen disse Bahnegenschoppen warrt de Maand to de Carme-Grupp tellt, de na denn Jupiter-Maand Carme nöömt is. Dat is neemlich de gröttste ut de Koppel.

Physikalsch Egenschoppen[ännern | Bornkood ännern]

De Dörmeter vun Kalyke is üm un bi 5 km, he is also bannig lütt. De Dicht warrt op 2,6 g/cm³ schätzt. Man nimmt an, dat de Maand vör allen ut Silikat-Steen besteiht. Pasithee is ok bannig düster. De Bavenflach reflektiert blots 4 % vun dat infallend Sünnlicht torüch. Man seggt, he hett en Albedo vun 0,04.