Pablo Marin
Pablo Saul Marin (* 3. November 1967 in Corozal) is en Politiker ut Belize (UDP).
Marin is 1967 as Söhn von Primitivo Felix Marin († 2017) in Corozal boren un weer later op dat Corozal Community College un op dat Belize Technical College in Belize-Stadt.[1] He hett Elektriker lehrt un bedrievt en egen Ünnernehmen in Corozal.
He is bi de Parlamentswahl in Belize 2008 för de UDP Kannedaat in’n Wahlkreis Corozal Bay ween un hett de Wahl mit 59,36 % von de Stimmen gegen Juan Vildo Marin von de PUP wunnen.
Ok bi de Wahl 2012 hett he sik in’n sülven Wahlkreis mit 50,30 % wedder dörsett, dütmaal gegen Gregorio Garcia von de PUP. Un ok bi de Wahl 2015 harr he mit 50,05 % von de Stimmen wedder de Bavenhand över Garcia.
Marin is dormit siet Februar 2008 Afornten in dat Repräsentantenhuus von Belize. In dat Johr is he ok von Premierminister Dean Barrow as Minister för Gesundheit beropen worrn (Kabinett Barrow I, II un III).
Footnoten
[ännern | Bornkood ännern]
1963–1979: C. L. B. Rogers | 1979–1984: Assad Shoman | 1984–1986: Elodio Aragon Senior | 1986–1989: Israel Alpuche | 1989–1993: Theodore Aranda | 1993–1997: Ruben Campos | 1997–1998: Salvador Fernandez | 1998–1999: Servulo Baeza | 1999–2004: Jose Coye | 2004–2006: Juan Vildo Marin | 2006–2008: Jose Coye | 2008–2020: Pablo Marin | 2020–: Michel Chebat