Ludenhütt
De Ludenhütt (hoochdüütsch Ludenhütte) weer en enkelten Hoff in de Gemeen Wuster Noordseeküst in’n Landkreis Cuxhoben, Neddersassen.
De Oort hett fröher bi dat Dörp Wanhöden bihöört. Vondaag höört dat Rebeed aver to Millm.
Geografie[ännern | Bornkood ännern]
Ludenhütt liggt op de Wuster Heid. In’n Noordwesten liggt de Flegerplatz Noordholt un in’n Süden dat Naturschuulrebeed Hogensteenforst. De Emmelk hett ehren Born an de Ludenhütt.
De Naveröörd sünd Wanhöden in’n Noordoosten, Krümpel in’n Süüdoosten, Kraansborg in’n Süüdwesten, Millm in’n Westen un Wusterheid in’n Noordwesten.
Historie[ännern | Bornkood ännern]
De Naam von’n Oort kummt wohrschienlich dorvon, dat de eerste Minsch, de dor leevt hett, Lude heten hett.
Sporen von de Vörtied gifft dat in Form von’n Henkensteen, wat en Hünengraff weer, dat in de Neegd von Ludenhütt liggt.
In de Franzosentied von 1810 bet 1814 hett de Oort to de Mairie Niewohl in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to dat Amt Beers tohöört. Na 1885 weer dat in’n Kreis Leh. 1932 is dat Deel von’n Landkreis Wersermünn worrn un 1977 von’n Landkreis Cuxhoben.
De Oort hett to de Gemeen Wanhöden höört. Wanhöden is an’n 1. Januar 1970 Deel von de Gemeen Noordholt worrn. De Gemeen Noordholt wedder is an’n 1. Januar 2015 Deel von de Gemeen Wuster Noordseeküst worrn.
Inwahnertall[ännern | Bornkood ännern]
| Johr | Inwahners |
|---|---|
| 1812[1] | 2 |
| 1824[2] | 1 Füürsteed |
Religion[ännern | Bornkood ännern]
Ludenhütt weer evangeelsch-luthersch präägt un hett mit Wanhöden to dat Kaspel von de Krüüzkark in Olenwoold höört. 1973 is Wanhöden in dat Kaspel von de Kark to’n goden Heer in Noordholt wesselt.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
In’n Noorden von de Ludenhütt löptt de Kreisstraat 14 langs, de in’n Noorden över Wanhöden un Köstersweg na Godendörp un Franzenborg löppt. In’n Westen löppt de Straat bi Noordholt an de Landsstraat 135 ran. Na Süüdoosten löppt en lüttere Straat na Krümpel un över de K 14 geiht en annere lüttjere Straat na Millm in’n Süüdwesten.
De Autobahn 27 (Afsnidd Cuxhoben–Bremerhoben) löppt dicht bi Ludenhütt langs. De Opfohrt 3 Noordholt liggt weniger as een Kilometer in’n Noordwesten von Ludenhütt.
De nächste Bahnhoff is so bi söven Kilometer wied weg in’n Noordwesten in Noordholt an de Bahnlien Bremerhoben-Cuxhoben.
Footnoten[ännern | Bornkood ännern]
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 104: http://books.google.de/books?id=Q 5OAAAAcAAJ&pg=PA104
- ↑ C. H. Jansen: Statistisches Handbuch des Königreichs Hannover. 1824, Sied 382: http://books.google.de/books?id=tG0AAAAAcAAJ&pg=PA382
Koordinaten:53° 44′ N, 8° 41′ O