Lüttjen Wohlers
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21698 | |
| Vörwahl: | 04766 | |
| Geograafsche Laag: | Koordinaten:53° 26′ N, 9° 22′ O53° 26′ N, 9° 22′ O | |
|
| ||
Lüttjen Wohlers (hoochdüütsch Klein Wohlerst) is en Oortsdeel von dat Dörp Wohlers in de Gemeen Brest (Samtgemeen Harsfeld) in’n Landkreis Stood, Neddersassen.
Geografie
[ännern | Bornkood ännern]De Oort liggt op de Stoder Geest. In’n Noorden liggt dat Naturschuulrebeed In’n Tadel. Dat Water ut dat Rebeed flütt över Doosthoffgraven un Wohlerster Beek na de Au hen af. Ut dat Rebeed in’n Westen von Lüttjen Wohlers flütt dat Water aver över’n Reither Beek na de Bever hen af.
De Naveröörd sünd Brest in’n Noorden, Doosthoff in’n Noordoosten, Kokerbeek un Wohlers in’n Oosten, Örsdörp in’n Süüdoosten, Winnerswohl in’n Süden, Fehrenbrook in’n Süüdwesten un Lüttjen Reith, Reith un Bredenbeek in’n Noordwesten.
Historie
[ännern | Bornkood ännern]Lüttjen Wohlers is eerst in dat 19. Johrhunnert grünnt worrn.
Verwaltungsgeschicht
[ännern | Bornkood ännern]Vör 1885 weer de Oort in de Böörd Bargst binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.
De Oort hett fröher to de Gemeen Wohlers tohöört, de an’n 1. Juli 1972 mit de Gemeenreform in Neddersassen Deel von de Gemeen Brest worrn is.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1885[1] | 7 Lüüd, 1 Huus |
| 1. Dezember 1905[2] | 8 Lüüd, 1 Huus |
Religion
[ännern | Bornkood ännern]Lüttjen Wohlers is evangeelsch-luthersch präägt un höört to dat Kaspel von de Primus-Kark in Bargst.
För de Kathoolschen is de St.-Maria-Kark in Buxthu tostännig.
Weertschop un Infrastruktur
[ännern | Bornkood ännern]För Lüttjen Wohlers is de freewillige Füürwehr Wohlers mit tostännig.
Verkehr
[ännern | Bornkood ännern]Dör Lüttjen Wohlers löppt de Kreisstraat 47, de in’n Noordwesten över Reith na Bredenbeek an de K 48 ran geiht un in’n Oosten över Wohlers un Kokerbeek na Hollenbeek an de Landsstraat 124.
De nächste Autobahn is de Autobahn 1 (Afsnidd Hamborg–Bremen). De Opfohrt 47 Zittens liggt so 22 Kilometer in’n Süüdoosten von Lüttjen Wohlers an de L 130. De Opfohrt 5 Hornborg op de Autobahn 26 (Afsnidd Stood–Hamborg) liggt ok 22 Kilometer in’n Noordoosten an de K 36.
De nächste Bahnhoff is so bi fiev Kilometer wied weg in’n Noorden de Bahnhoff Brest-Aasp an de Bahnlien Bremerhoben–Buxthu.
Footnoten
[ännern | Bornkood ännern]- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 153
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 161