Kriegerkuhl
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21789 | |
| Vörwahl: | 04777 | |
| Geograafsche Laag: | Koordinaten:53° 45′ N, 9° 1′ O53° 45′ N, 9° 1′ O | |
|
| ||
Kriegerkuhl (hoochdüütsch Kriegerkuhle) is en lütten Oort in de Gemeen Wingst (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi de Gemeen Wingst bi.
Geografie[ännern | Bornkood ännern]
Kriegerkuhl liggt an’n Westrand von de Geest von de Wingst hen na dat Moor un de Masch von de Au. Direkt bi’n Oort löppt de Neehuus-Bülkauer Kanaal langs.
De Naveröörd sünd Westermoor in’n Noorden, Quetschenhagen un Ooldkeden in’n Noordoosten, Kleverbarg un Krummenbusch in’n Süüdoosten, Grift in’n Süden, Oppeln in’n Süüdwesten, Bülkau in’n Westen un Moorwettern in’n Noordwesten.
Historie[ännern | Bornkood ännern]
Verwaltungsgeschicht[ännern | Bornkood ännern]
De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Inwahnertall[ännern | Bornkood ännern]
| Johr | Inwahners |
|---|---|
| 1793[1] | 5 Füürsteden |
| 1824[2] | 5 Füürsteden |
| 1. Dezember 1871[3] | 49 Lüüd, 12 Hüüs |
Religion[ännern | Bornkood ännern]
Kriegerkuhl is evangeelsch-luthersch präägt un höört to dat Kaspel von de Nicolai-Kark in Kumbarg.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Dör Kriegerkuhl löppt de Kreisstraat 21, de in’n Westen över na Bülkau an de Landsstraat 144 ran geiht un in’n Süüdoosten över Tollboom, Westerhamm, Bargkamp, Süderbusch, Ellerbrook un Wittenmoor na Loomst. In Tollboom geiht von de K 21 na Noorden de K 22 af, de na Kumbarg föhrt.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 25 Kilometer in’n Noordwesten von Kriegerkuhl.
De nächste Bahnhoff is so bi fiev Kilometer wied weg in’n Noordoosten de Bahnhoff Kumbarg an de Nedderelvbahn.
Footnoten[ännern | Bornkood ännern]
- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 132: https://books.google.de/books?id=jN5QAAAAcAAJ&pg=RA1-PA132
- ↑ C. H. Jansen: Statistisches Handbuch des Königreichs Hannover. 1824, Sied 342: http://books.google.de/books?id=tG0AAAAAcAAJ&pg=PA342
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 147: https://books.google.de/books?id=qTZDAQAAMAAJ&pg=RA2-PA147