Kraansborg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27632 | |
| Vörwahl: | 04741 | |
| Geograafsche Laag: | Koordinaten:53° 42′ N, 8° 38′ O53° 42′ N, 8° 38′ O | |
|
| ||
Kraansborg (hoochdüütsch Kransburg) is en Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört von öllers bi Millm mit bi.
Geografie
[ännern | Bornkood ännern]Kraansborg liggt op’n Rand von de Geest na de Masch hen.
De Naveröörd sünd Millm in’n Noorden, Wanhöden in’n Noordoosten, Krümpel in’n Oosten, Niewohl in’n Süüdoosten, Holsseln in’n Süden, Dorum in’n Süüdwesten un Cappel in’n Noordwesten.
Historie
[ännern | Bornkood ännern]Bi Kraansborg op de Geest hett ok de Hollborg legen, de de Eddellüüd von Deefholt tohöört hett.
De Oort bestünn 1824 ut dree, later ut veer Hööv.
1939 hebbt se bi Kraansborg oostwarts von’n Kraansbörger See en Schienflegerplatz boot, de Angriepers von’n Flegerplatz Noordholt aflenken schull. De Allieerten hebbt denn in’n Tweten Weltkrieg ok fakener Bummen op den Flegerplatz smeten.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Niewohl in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort weer vör 1852 in’t Kaspel Millm von dat Vaagdiegericht Land Wusten. Von 1852 bet 1885 leeg Kraansborg in dat Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.
An’n 1. Januar 2015 is de Gemeen Millm as Deel von de Samtgemeen Land Wusten mit de Gemeen Noordholt dör Fusion tohoopgahn un billt nu de Gemeen Wuster Noordseeküst.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 5 Füürsteden |
| 1812[2] | 26 |
| 1824[3] | 3 Füürsteden |
| 1848[4] | 4 Hööv |
| 1. Dezember 1871[5] | 28 Lüüd, 4 Hüüs |
| 1. Dezember 1885[6] | 33 Lüüd, 5 Hüüs |
| 1. Dezember 1905[7] | 22 Lüüd, 5 Hüüs |
Religion
[ännern | Bornkood ännern]Kraansborg is evangeelsch-luthersch präägt un höört to dat Kaspel Millm. Fröher hett dat to dat Kaspel Niewohl höört.
För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.
Infrastruktur
[ännern | Bornkood ännern]Elektrischen Stroom hett Kraansborg 1930 kregen.
Verkehr
[ännern | Bornkood ännern]Kraansborg liggt an de Landsstraat 135, de in’n Noorden na Millm, Olenwoold un Cuxhoben löppt. In’n Süden löppt de L 135 na Sievern, Langen un Bremerhoben. En lüttjere Straat gifft dat ans noch na Krümpel in’n Oosten. Twee Kilometer na’n Oosten löppt de Autobahn 27 (Afsnidd Cuxhoben–Bremerhoben) an Kraansborg langs, de nächste Opfohrt is aver eerst de Opfohrt 4 Niewohl, de söss Kilometer af is.
De nächste Bahnhoff is de Bahnhoff Dorum an de Bahnlien Bremen-Cuxhoben.
Literatur
[ännern | Bornkood ännern]- Erich von Lehe: Die Höfe bei der Kransburg: Erste Besiedlung und Kultivierung im Grenzgebiet zwischen Midlumer Geest und Grauem Wall. 1963
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 49
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 342
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 147
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 153
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 160
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 99