Karkenbezirk Neddersassen-West

De Karkenbezirk Neddersassen-West is en Karkenbezirk von de Sülvstännige Evangeelsch-Luthersche Kark (SELK) un en Körperschop von dat apentliche Recht. De Karkenbezirk höört to’n Sprengel Noord von de SELK un hett 30 Gemenen in 13 Parrbezirke. Seet is de Zionskark in Soltau (An de Zionskark 5, 29614 Soltau).

Struktur

Vörstand von’n Karkenbezirk is en Supperndent, de tohoop mit’n Karkenbezirksbiraad dat Leid hett. De annern Orgaans sünd de Karkenbezirkssynood, de elk Johr tohoopkummt. Synodale stellt en Karkengemeen mit jümmer een Lai un een Pastoor. Blangen de Synood is de Bezirksparrkunvent noch en Orgaan von’n Karkenbezirk. Dor höört all Pastoorn in’n aktiven Deenst to.

Luthersche Karkengemenen

Parrbezirk Bremen
Parrbezirk Bremerhoben/Stubben
Parrbezirk Brouk/Stellsfellen (Matthäus Brouk, Matthäus Stellsfellen)
Parrbezirk Farm
Harmsborg
- Parrbezirk Grote Krüüzkarkengemeen Harmsborg
- Parrbezirk Lütte Krüüzkarkengemeen Harmsborg / St. Johannisgemeen Bleckmer
Parrbezirk Hesel
Parrbezirk Hörpel (St. Pauli Hörpel)
Parrbezirk Ollnborg
Parrbezirk Soltau
Parrbezirk Söttmer/Zittens
Parrbezirk Stood
Parrbezirk Tarmst
Parrbezirk Veern/Rodenborg

Supperndentur

De Supperndent von’n Karkenbezirk Neddersassen-West is opstunns Peter Rehr. De Supperndentur is jümmer de Parrseet von’n Supperndent, opstunns in Soltau.