Justizkanzlie Stood
De Justizkanzlie Stood weer en Gericht, dat för dat Rebeed von Bremen-Veern un dat Land Hadeln tostännig weer un sien Seet in de Stadt Stood harr. De Justizkanzlie hett von 1652 bet 1852 bestahn.
De Justizkanzlie weer dat Oberappellatschoonsgericht Celle överornt. För de Ünnergerichten in sien Bezirk weer de Justizkanzlie de Appellatschoonsinstanz.
De Juristen von de Justizkanzlie weren toglieks ok jümmer Juristen an dat Hoffgericht Stood.
Historie
[ännern | Bornkood ännern]Dat Gericht is 1645 inricht worrn, as de Sweden de Hertogdömer Bremen un Veern innahmen hebbt.
Stand 1818 harr de Justizkanzlie een Präsident, een Direkter, fiev Rääd, een Auditer un dree Sekretärs.[1] De Landschop von de Hartogdömer Bremen un Veern harr dat Recht, twee Rääd to präsenteren.
Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt un de Justizkanzlie oplööst worrn. An ehre Steed sünd de Obergerichten Stood, Veern un Leh treden.
Direkters
[ännern | Bornkood ännern]De Direkters von de Justizkanzlie weren tosätzlich ok jümmer Direkters von dat Kunsistorjen in Stood.
- –1736: Gustav Carl von Scharnhorst
- 1736–1746: Johann Hinrich von Spilker
- 1746–1751: Johann Friederich von Borries
- 1751–1783: Diederich Basilius von Stade
- 1784–1786: Otto Diederich Wilhelm von Schlütter
- 1787–1794: Georg Arnold von Spilker
- –1798: Gotthelf Dietrich von Ende
- 1798–1800: nüms
- 1800–: Christian Ludwig von Hake
- 1806–1823: Johann Julius Conrad von Schlütter
- 1825–1828: Georg Friedrich Falcke
- 1829–1839: Justus Christoph Leist
- 1839–1852: Ernst Ludwig von Reichmeister
Footnoten
[ännern | Bornkood ännern]- ↑ Neueste Länder- und Völkerkunde. Ein geographisches Lesebuch. Band 19. Hannover, Braunschweig, Oldenburg. Verlag des Landes-Industrie-Comptoirs, Weimar 1818, Sied 143
