Diskuschoon:Justizkanzlie Stood

    Vun Wikipedia

    Kanzlie? Dor harr ik nu eher Kanzlee to seggt. --Iwoelbern 16:04, 16. Mär 2017 (CET)Antworten[antern]

    In Mekelborg-Vörpommern un grote Delen von Sleswig-Holsteen (ok in grote Delen von Oost- un Westfalen) seggt se Bäckerie. Dor is -ie op jeden Fall richtig. Aver in'n Noorden von Neddersassen warrt Bäckeree seggt.
    Dat Suffix -ee as in "Bäckeree" is en germaansch Form. Dat Woord, üm dat dat hier geiht, geiht aver op en latiensch Woord trügg: cancellaria. Dat is dat sülve Affix as bi abbadia (hoochdüütsch "Abtei"). Ut dat latiensche is denn middelnedderdüütsch cancellerie un abbedie worrn.
    De Regeln von de Luudwannels seggt: wenn dat ie an't Enn fröher as twee Sülven oder as Diphthong spraken worrn is, denn warrt dor -ee von un wenn dat blots een Sülv weer (en lang i), denn warrt dor ie von.
    Ik kenn de Utspraak fröher aver nich. Ik bün von een Sülv utgahn, aver kann good angahn, dat dat nich stimmt. Vör allen kummt dor noch to, dat ok Wöör, de nich mitenanner verwandt sünd, dör Analogie ümbillt warrn köönt. Hier to'n Bispeel is to lesen, dat de Nedderlandschen dat Woord kanselier ut dat Franzöösche nahmen hebbt, aver dat liekers faken so bruukt hebbt, as wenn dat ut dat Nedderlandsche kummt, un dor kanselaer von maakt hebbt: De weinig frequente vormen op -aer in het mnl. en vnnl. zijn te verklaren door analogiewerking van persoonsaanduidingen op -elaar zoals handelaar. --::Slomox:: >< 16:09, 17. Mär 2017 (CET)Antworten[antern]