Gustav Carl von Scharnhorst

Vun Wikipedia
Zur Navigation springen Zur Suche springen

Gustav Carl von Scharnhorst (* 27. Oktober 1670 in Veern; † 4. Oktober 1737 in Stood) weer en düütschen Jurist.

Von Scharnhorst is 1670 as Söhn von Anna, borene von Hassel, un Andreas Scharnhorst (6. August 1638–3.September 1712) in Veern boren.[1] He harr toeerst Ünnerricht bi Huuslehrers un keem 1682 an dat Athenaeum Stood.[2] 1689 is he von dor an de Universität Jena gahn, üm dor dree Johr Juristeree to studeren.[2] Na dat Studium in Jena weer he ok noch an de Universitäten Leipzig un Wittenbarg.[2] 1692 is he wedder nahuus un hett een Johr lang dat Lehrte noch wedder dörgahn üm denn an de Universität Halle to gahn.[2] Een Johr later keem he denn wedder na Jena, üm dor sien Dr. jur. to maken.[2]

Von Scharnhorst weer denn för en Tied Avkaat in Stood.[2] 1696 aver is he Syndikus in Veern worrn.[2] 1707 hett de Stadt Veern dat Recht kregen, en Assesser an dat Hoffgericht Stood to präsenteren un hett von Scharnhorst utwählt.[2] In Stood is he denn an’n 12. Dezember 1710 Justizraad worrn.[2] As de Dänen 1712 Bremen-Veern innahmen hebbt, keem von Scharnhorst na Veern un hett dor an de Sied von General von Scheither för de Verwaltung von de besett Lannen sorgt.[2] Nadem 1715 Bremen-Veern an dat Kurförstendom Bruunswiek-Lümborg fullen is, hett he sien Ämter in Stood wedderkregen.[2] Tosätzlich harr he bet 1736 as Viezdirekter ok dat Leid över de Justizkanzlie Stood un dat Hoffgericht Stood.[1] Ok dat Leid von dat Kunsistorjen in Stood weer dor mit verbunnen.

He weer Besitter von Good Oosterndörp un is mit düt Good an’n 17. Juli 1721 in de Matrikel von de Ridderschop von dat Hertogdom Bremen opnahmen worrn.[1]

Von Scharnhorst hett 1700 Hedwig Sophie von Neubour freet.[1] De beiden harrn ünner annern den Söhn Carl von Scharnhorst († 18. Februar 1760).[3]

Warken[ännern | Bornkood ännern]

  • Generale und Speciale Nachricht und Collection von den in den Herzogthümern Bremen und Verden promulgirten, oder sonst befindlichen Landes-Gesetzen, so dann von besondern Vim legis habenden Statutis und Gewohnheiten. 1736

Footnoten[ännern | Bornkood ännern]

  1. a b c d Neu-vermehrtes historisch- und geographisches allgemeines Lexicon. Johannes Christ, 1744, Band 6, Sied 222
  2. a b c d e f g h i j k Johann Hinrich Pratje: Vermischte historische Sammlungen. Verlag des Vaterländischen Vereins, Stood 1844, Sied 459
  3. Neue genealogisch-historische Nachrichten von den vornehmsten Begebenheiten, welche sich an den europäischen Höfen zugetragen. Heinsius, Leipzig 1762, Sied 184