Hallah

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Hallah
Laag vun Hallah in Düütschland
Basisdaten
Bundsland: Neddersassen
Landkreis: Oosterholt
Samtgemeen: Hambargen
Gemeen: Vollerso
Inwahners:
Postleettall: 27729
Vörwahl: 04763
Geograafsche Laag:
Koordinaten:53° 22′ N, 8° 56′ O
53° 22′ N, 8° 56′ O

Hallah (hoochdüütsch Hallah) is en Forsthoff in’n Oort Giehl (Gemeen Vollerso, Samtgemeen Hambargen) in’n Landkreis Oosterholt, Neddersassen.

Geografie[ännern | Bornkood ännern]

De Hoff liggt an’n Süüdoostrand von dat Giehler Holt. He sitt op’n Geestrand hen na dat Düvelsmoor, dat in’n Süüdoosten liggt. Dat Water ut dat Rebeed flütt över den Forstgraven af hen na’n Giehler Beek.

De Hoff Hallah liggt in Giehl. De Naveröörd sünd Nee Kuhs un Kuhs in’n Noordoosten, Kuhstermoor un Nee Kuhstermoor in’n Süüdoosten, Ahrensdörp in’n Süden, Giehlermöhlen in’n Süüdwesten, Paddewisch un Steern in’n Westen un Helljes in’n Noordwesten.

Historie[ännern | Bornkood ännern]

De Hoff is as Forsthuus anleggt worrn. Dat Forstamt Hallah is vondaag annerwegens in Giehl ünnerbrocht, besteiht aver jümmer noch un is för en ganze Reeg Hölter (Ole un Junge Els, Giehler Holt, Hollener Heid, Seebeker Oh, Steerner Holt un Kuhster Holt) in dat Rebeed twüschen Bremerhoben un Oosterholt-Scharmbeek tostännig.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Kuhs in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1851 to de Huusvaagdie Beverst in dat Gericht Beverst tohöört un denn von 1851 bet 1859 to dat Amt Beverst. 1859 is de Oort mit de ganze Gemeen Giehl an dat Amt Oosterholt wesselt. Na 1885 weer dat in’n Kreis Oosterholt un is 1932 Deel von’n ne’en, grötteren Landkreis Oosterholt worrn.

De Hoff höört polietsch siet dat 19. Johrhunnert bi Giehl mit bi. De Oort is an’n 1. April 1937 as Deel von de Gemeen Giehl an de Gemeen Vollerso kamen.

Inwahnertall[ännern | Bornkood ännern]

Johr Inwahners
1812-00-001812[1] 7
1824-00-001824[2] 1 Füürsteed
1848-00-001848[3] 3 Lüüd. 1 Huus
1871-12-011. Dezember 1871[4] 3 Lüüd. 1 Huus

Religion[ännern | Bornkood ännern]

Hallah is evangeelsch-luthersch präägt un höört vondaag to dat Kaspel von de Erlöser-Kark in Kuhs. Fröher hett dat aver jümmer to de Fabian-un-Sebastian-Kark in Beverst höört.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

An Hallah langs löppt de Bundsstraat 74, de in’n Noordoosten över Kuhs un Basdaal na Bremervöör un Stood geiht un in’n Süüdwesten över Wallhöben, Oosterholt-Scharmbeek un Hu’e na Bremen-Noord. De Verkehr na Beverst to löppt över de Landsstraat 122 in Kuhs un de B 71.

De nächste Autobahn is de Autobahn 27 (Afsnidd BremenCuxhoben). De Opfohrt 16 Bremen-Noord liggt so 27 Kilometer in’n Süüdwesten von Hallah an de B 74. An de sülve Steed besteiht Ansluss an de Autobahn 270 na Blomendal.

De nächste Bahnhoff is so bi 13 Kilometer wied weg in’n Süüdwesten de Bahnhoff Olenbüttel an de Bahnlien Bremen–Bremerhoben. De Bahnhoff Gnarrenborg an de Bahnlien Stood–Oosterholt-Scharmbeek liggt söven Kilometer in’n Noordoosten. Dor hett dat von 1909 bet 1978 Personenverkehr geven.

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 103
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 236
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 148
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156