Nee-Kuhs

Vun Wikipedia
(wiederwiest vun Nee Kuhs)
Zur Navigation springen Zur Suche springen
Wapen/Flagg Koort
hett keen Wapen
Nee-Kuhs
Laag vun Nee-Kuhs in Düütschland
Basisdaten
Bundsland: Neddersassen
Landkreis: Rodenborg
Gemeen: Gnarrenborg
Inwahners:
Postleettall: 27442
Vörwahl: 04763
Geograafsche Laag:
Koordinaten:53° 22′ N, 8° 57′ O
53° 22′ N, 8° 57′ O

Nee-Kuhs (hoochdüütsch Neu-Kuhstedt) is en lütten Oort in de Gemeen Gnarrenborg in’n Landkreis Rodenborg, Neddersassen.

Geografie[ännern | Bornkood ännern]

De Oort liggt op’n Rand von de Oosterholter Geest hen na dat Düvelsmoor. Dat Water ut dat Rebeed warrt över Gravens na’n Kollbeek un den Giehler Beek hen afföhrt.

De Naveröörd sünd Kuhs un Dahldörp in’n Noordoosten, Kolheim un Kuhstermoor in’n Süüdoosten, Nee-Kuhstermoor un Ahrensdörp in’n Süden, Giehl un Giehlermöhlen in’n Süüdwesten un Kuhs-Siedlung in’n Noordwesten.

Historie[ännern | Bornkood ännern]

Nee-Kuhs is as Siedlung von Kuhs ut anleggt worrn.

Verwaltungsgeschicht[ännern | Bornkood ännern]

De Oort hett vör 1859 to dat Amt Beverst tohöört. 1859 is de Oort an dat Amt Bremervöör kamen. Na 1885 weer dat in’n Kreis Bremervöör, de 1932 mit’n Kreis Zeven to’n ne’en un grötteren Kreis Bremervöör tohoopgahn is. 1977 is dat Deel von’n Landkreis Rodenborg worrn.

De Oort hett von öllers bi de Gemeen Kuhs mit bihöört, de an’n 1. März 1974 mit de Gemeenreform in Neddersassen Deel von de Gemeen Gnarrenborg worrn is.

Religion[ännern | Bornkood ännern]

Nee-Kuhs is evangeelsch-luthersch präägt un höört to dat Kaspel Kuhs.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Weertschop un Infrastruktur[ännern | Bornkood ännern]

För Nee-Kuhs is de freewillige Füürwehr Kuhs mit tostännig.

Verkehr[ännern | Bornkood ännern]

Dör Nee-Kuhs löppt de Bundsstraat 74, de in’n Noordoosten över Kuhs un Basdaal na Bremervöör geiht un in’n Süüdwesten över Wallhöben, Hambargen, Oosterholt-Scharmbeek un Hu’e na Bremen-Noord. In’n Süden föhrt de lüttje Straat Postheid na Nee-Kuhstermoor.

De Opfohrt 16 Bremen-Noord op de Autobahn 27/270 liggt so 29 Kilometer in’n Süüdwesten von Nee-Kuhs un de Opfohrt 9 Wulsdörp op de A 27 28 Kilometer in’n Noordwesten an de B 71.

De nächste Bahnhoff is so bi 14 Kilometer wied weg in’n Süüdwesten de Bahnhoff Olenbüttel an de Bahnlien Bremen–Bremerhoben. De Bahnhoff Örel an de Bahnlien Bremerhoben–Buxthu liggt 16 Kilometer in’n Noorden.

Scholen[ännern | Bornkood ännern]

De Kinner ut Nee-Kuhs gaht na de Grundschool Kuhs, de 1927 dicht bi Nee-Kuhs an de Bundsstraat boot worrn is.