Hagener Möhl

Vun Wikipedia
Zur Navigation springen Zur Suche springen
Wapen/Flagg Koort

Wapen vun Hagener Möhl

Hagener Möhl
Laag vun Hagener Möhl in Düütschland
Basisdaten
Bundsland: Neddersassen
Landkreis: Stood
Gemeen: Stood
Inwahners:
Postleettall: 21684
Vörwahl: 04141
Geograafsche Laag:
Koordinaten:53° 33′ N, 9° 26′ O
53° 33′ N, 9° 26′ O

De Hagener Möhl (hoochdüütsch Hagener Mühle) is en lütten Oort in de Gemeen Stood in’n Landkreis Stood, Neddersassen. Binnen de Gemeen höört de Oortsdeel to de polietsche Oortschop Hagen.

Geografie[ännern | Bornkood ännern]

De Oort liggt op de Stoder Geest. Dat Water ut dat Rebeed flütt över’n Steenbeek in de Swing.

De Naveröörd sünd Groot Thun, Barg un Riensföör in’n Noordoosten, Hagen un Steenbeek in’n Oosten, Deinst in’n Süden, Freenbeek un Hagel in’n Süüdwesten, Swing in’n Westen un Wiepenkathen in’n Noordwesten.

Historie[ännern | Bornkood ännern]

De Hagener Möhl kummt 1132 toeerst in de Oorkunnen vör. 1499 hett de Abt von dat Marienklooster Stood en ne’e Watermöhl an’n Steenbeek anleggt. 1707 hebbt de von Arentsschild de Möhl an’n Möller Henrich Albers verköfft.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Hagen in’n Kanton Hornborg höört un denn von 1811 bet 1814 to dat Franzöösche Kaiserriek ünner Napoleon un dor ok wedder to de Mairie Stood in’n Kanton Stood.

De Oort hett vör 1846 to dat Amt Harsfeld tohöört un is to’n 1. Januar 1847 in dat Amt Stood-Gothenborg wesselt.[1] 1859 is dat Amt Stood-Gothenborg oplööst un Deel von dat Amt Himmelpoorten worrn. Na 1885 weer dat Rebeed in’n Kreis Stood, de 1932 mit de Kreise Jörk un Keden to’n ne’en Kreis Stood tohoopgahn is.

De Möhl hett von öllers bi de Gemeen Hagen mit bihöört, de an’n 1. Juli 1972 mit de Gemeenreform in Neddersassen Deel von de Gemeen Stood worrn is. Sietdem höört de Hagener Möhl binnen de Gemeen to de Oortschop Hagen.

Inwahnertall[ännern | Bornkood ännern]

Johr Inwahners
1885-12-011. Dezember 1885[2] 11 Lüüd. 2 Hüüs
1905-12-011. Dezember 1905[3] 12 Lüüd. 1 Huus

Religion[ännern | Bornkood ännern]

De Hagener Möhl is evangeelsch-luthersch präägt un höört bi dat Kaspel von de Johannis-Kark in Stood. Bevör de Johannis-Kark 1956 trech worrn is, hett de Oort to dat Kaspel von de Wilhadi-Kark in de Binnenstadt von Stood höört.

Weertschop un Infrastruktur[ännern | Bornkood ännern]

För de Hagener Möhl is de freewillige Füürwehr Hagen mit tostännig.

Verkehr[ännern | Bornkood ännern]

In’n Oosten von’n Oort langs löppt de Landsstraat 124, de in’n Noorden na Stood an de Bundsstraat 73 ran geiht un in’n Süden na Harsfeld. En lüttjere Straat geiht in’n Süüdwesten noch na Freenbeek an de Kreisstraat 1.

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Oost liggt so söven Kilometer in’n Noordoosten von Stood an de B 73.

Dat Dörp Hagen hett en Bahnhoff an de Bahnlien Stood–Bremervöör.

Footnoten[ännern | Bornkood ännern]

  1. Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 157
  2. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 151
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 159