Glinn (Örel)
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 2,38 km² | |
| Inwahners: | ||
| Postleettall: | 27432 | |
| Vörwahl: | 04761 | |
| Geograafsche Laag: | Koordinaten:53° 30′ N, 9° 6′ O53° 30′ N, 9° 6′ O | |
|
| ||
Glinn (hoochdüütsch Glinde) is en Dörp in de Gemeen Örel, in’n Landkreis Rodenborg, Neddersassen.
Geografie
[ännern | Bornkood ännern]Glinn liggt an’n Rand von en lüttjen Geestgraad, na Süden to liggt Moor un na Noorden jüstso. Dat Water ut dat Rebeed in’n Süden flütt över den Glinner Kanaal in’n Öreler Kanaal un denn in de Oost un dat Water ut dat Rebeed in’n Noorden över’n Koornbeek in’n Wallbeek.
De Naveröörd sünd Koornbeek un Mehdörp in’n Noorden, Hönau-Lindörp in’n Noordoosten, Bremervöör in’n Oosten, Fohrendörp un Sprekens in’n Süden, Örel in’n Süüdwesten un Eversdörp in’n Noordwesten.
Historie
[ännern | Bornkood ännern]Glinn liggt an de Steed von en Pass dör dat Glinnmoor. Villicht is de Oort ok de Steed, an de 994 dat Heer von de Askomannen slahn worrn is.
In’n Eersten Weltkrieg sünd söss Soldaten ut Glinn fullen oder vermisst un in’n Tweten 20[1].
Vör 1885 leeg de Oort in dat Amt Bremervöör un is denn Deel von’n Kreis Bremervöör wesen. 1977 is dat denn Deel von’n Landkreis Rodenborg worrn.
Glinn is an’n 1. März 1974 bi de Gemeenreform in Neddersassen mit de Gemeen Örel tohoopleggt worrn.
In de Ümgegend is de Oort vör allen dör de Diskotheek Haas bekannt.
Inwahnertall
[ännern | Bornkood ännern]| Johr | Inwahners |
|---|---|
| 1824[2] | 1 Füürsteed |
| 1848[3] | 31 Lüüd, 3 Hüüs |
| 1. Dezember 1910[4] | 158 |
| 1925[5] | 187 |
| 1933[5] | 172 |
| 1939[5] | 150 |
Religion
[ännern | Bornkood ännern]Glinn is evangeelsch-luthersch präägt un höört to dat Kaspel von de Gangolf-Kark in Örel.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht bi’n Karkhoff.
Verenen
[ännern | Bornkood ännern]De Schützenvereen Glinn-Koornbeek is 1912 grünnt worrn un de Sportvereen 1982.
Infrastruktur
[ännern | Bornkood ännern]Verkehr
[ännern | Bornkood ännern]Glinn liggt an de Bundsstraat 74/71, de in’n Oosten na Bremervöör geiht un in’n Westen na Örel, Barchel un Basdaal. Na Noorden geiht von de B 74/71 de B 495 af, de na Loomst löppt.
In’n Noorden löppt de Bahnlien Bremerhoben–Buxthu an Glinn langs un in’n Süden de Moorexpress na Oosterholt-Scharmbeek.
Literatur
[ännern | Bornkood ännern]- Oerel 937 - 1987. Die Geschichte der Dörfer Oerel, Barchel und Glinde. B. Borgardt KG, Bremervöör 1987
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/oerel-glinde_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 212: http://books.google.de/books?id=tG0AAAAAcAAJ&pg=PA212
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm
- ↑ a b c http://www.verwaltungsgeschichte.de/bremervoerde.html
