Öreler Kanaal

Vun Wikipedia
Zur Navigation springen Zur Suche springen
Öreler Kanaal
Laag Landkreis Rodenborg
Verloop von’n Öreler Kanaal
Stroomsystem Elv
Läng 2,6 km
Born bi Örel (op 11 m över NHN)
Münn bi Bremervöör in de Oost (op 2 m över NHN)
Afströömrebeed 15,83[1] km²
linke Blangenströöm Glinner Kanaal
schippbor nee

De Öreler Kanaal is en Waterloop, de dat Water ut dat Öreler Moor, dat Vossbargsmoor un dat Tingoer Moor afföhrt un von links in de Oost münnt.

De Kanaal spiest sik ut en Reeg Gravens, de in dat Rebeed in’n Oosten von Örel liggen doot. Ok de Kläranlaag von Örel driggt dor mit to. Von dat Rebeed bi’n Fohrenkamp flütt de Kanaal na Oosten. De Bahnlien Stood–Oosterholt-Scharmbeek geiht över den Kanaal weg un jüstso de 2014 boote Oortsümgehung von Bremervöör (K 102). Von links münnt de Glinner Kanaal in’n Öreler Kanaal, de dat Water ut Glinn afföhrt. Twüschen Bremervöör un Tingo löppt de Waterloop twüschen Wahnrebeden langs un an dat Schoolzentrum Tingo (Gymnasium, Grundschool, Realschool un Beroopschool) vörbi. Noch en Stück wieder löppt de Kanaal ünner de Gnarrenbörger Straat dör un münnt 700 Meter wieder in de Oost.

Dat Water in de Oost flütt wieder in de Elv un denn in de Noordsee.

An Deerten wiest de Öreler Kanaal in de Moorrebeden vör Bremervöör von wegen de ringe Fleettempo vör allen „Stillwateroorden“ so as Wanzen, Käver un verschedene Tweeflöglers.[1]

Waterqualität[ännern | Bornkood ännern]

En bioloogsche Watergöödünnersökung un en cheemsch-physikaalsche Wateranalys sünd 1997 daan worrn. De Öreler Kanaal is in de Watergöödklass III „stark verschmutzt“ (in’n Afsnidd vör Bremervöör mit Tendenz to II-III „kritisch belast“) instuft worrn. In dat Water is en temlich starke Kunzentratschoon von Ammonium funnen worrn un en erhöhte Nitrit- un Ortho-Phosphatbelastung.

Grünn för de hogen Belastungen weren Käranlaag Örel, dat moorige Rebeed, dat ok von de Bueree bruukt warrt, un dat in dat Stadtrebeed Böverflächen-Water in’n Kanaal flütt.[1]


Footnoten[ännern | Bornkood ännern]

  1. a b c Gewässergütebericht Elbe 2000 (PDF, 6105 KB)


Koordinaten:53° 29′ N, 9° 9′ O