Ghostbusters

Filmdaten
Plattdüütsch Titel:	—
Originaltitel:	Ghostbusters
Düütsch Titel:	Ghostbusters – Die Geisterjäger
Produkschoonsland:	USA
Johr vun’t Rutkamen:	1984
Läng:	101 Minuten
Originalspraak:	Engelsch
Öllersfreegaav in Düütschland:	FSK 12
Filmkru
Speelbaas:	Ivan Reitman
Dreihbook:	Dan Aykroyd un Harold Ramis
Produkschoon:	Ivan Reitman
Musik:	Elmer Bernstein
Kamera:	László Kovács
Snitt:	David E. Blewitt, Sheldon Kahn
Szenenbild:	John DeCuir
Kledaasch:	Theoni V. Aldredge
Dorstellers
Bill Murray: Dr. Peter Venkman Dan Aykroyd: Dr. Raymond Stantz Sigourney Weaver: Dana Barrett Harold Ramis: Dr. Egon Spengler Rick Moranis: Louis Tully Annie Potts: Janine Melnitz William Atherton: Walter Peck Ernie Hudson: Winston Zeddemore David Margulies: Börgermeester

De Film Ghostbusters (op Platt so veel as „Geister-Knackers“) is en US-amerikaansch Actionkummedie ut dat Johr 1984. De tweete Deel Ghostbusters II is 1989 rutkamen. Bito sünd twee Tekentrickserien tostannen kamen: The Real Ghostbusters (1986–1991, weer later in Slimer! And The Real Ghostbusters ümnöömt) un Extreme Ghostbusters (1997). En drüdden Kinofilm is nich mehr tostannen kamen, wiel de fröheren Dorstellers Enn vun de 1990er Johren keen Intresse mehr doran harrn. 2009 is aver bekannt worrn, dat nu doch en drüdden Deel kamen schall, de opstunns för 2012 ankünnigt is. In’t glieke Johr is aver toeerst mol en opwännig Videospeel ünner den Titel Ghostbusters: The Video Game rutkamen.

Bekannt is ok vundaag noch dat dormolige Titelleed vun Ray Parker Jr., de för den Oscar nomineert weer un de Johren darno mehrfach nee’ opleggt worrn is, so t. B. vun Run DMC, The Rasmus un Mickael Turtle.

Inholt

De dree spoodlosen Wetenschopplers Dr. Peter Venkman, Dr. Raymond „Ray“ Stantz un Dr. Egon Spengler warrt ut de Universität rutsmeten un grünnt dorophen in New York City en Agentur as Geisterjagers.

Versteiht sik vun sülvst, dat dat Gewarf man blots langsom in de Gäng kummt, bit in de Stadt op’n Slag en ganze Reeg vun paranormal Saken passeert, wodör se vun nu op gliek teemlich beropen warrt un jemehr Agentur noch en beten vergröttern künnt. So kummt ok Winston Zeddemore as wieteren Geisterjager dorto.

Dat duert nich lang, bit de Geisterjagers vör jemehr sworsten Opgaav staht, as Gozer, de Tonichtenmaker, en Gott de in dat antike Mesopotamien vun de Sumerer un de Hethiter verehrt worrn is, versöcht mit de Help vun den Halfgott Zuul un den Dämon Vinz Clortho in uns Welt torüch to kommen.

Dat Tohopendrapen, un dormit de Film, finnt sien Hööchpunkt in en Tempel op’t Dack vun en Hoochhuus, dat vun en fimmeligen Architekten un Gozer-Anbeder utklamüstert woorn is.

In en Nevengeschicht entwickelt sik en Leevgeschicht twüschen Dr. Venkman un Dana Barrett. Dana warrt to lieken Tiet vun den seltsomen Stüerberaader Louis Tully anhimmelt. In’n Verlop vun’n Film, kommt Dana un Louis ünner den Influss vun Gozer un wannelt sik to Doorwachter un Slötelmeester, welke dat Torüchkamen vun Gozer eerst möglich maakt un de Gestalt vun Waterspeers annehmt.

Nevenfiguren vun den Film sünd de „Marshmallow-Mann“ (in’n Original „Stay Puft Marshmallow-Man“) un „Slimer“, de verfreten Geist ut dat Hotel.

Kritiken

• "Die erstaunliche Perfektion der Spezial-Effekte steht in umgekehrtem Verhältnis zur Intelligenz der Story und Dramaturgie. Eine sich verselbständigende Trickschau, deren beabsichtigte Komik nur schwach zu ahnen ist; immerhin unterhaltsam, wenn auch durch die deutsche Synchronisation zusätzlich belastet." - „Lexikon vun’n internatschonalen Film“, Systhema, München 1997
• "Wenn Dr. Peter Venkman (Bill Murray) und sein Team auf Geisterjagd gehen, sind Spaß und höherer Blödsinn garantiert. Die beiden Gruselkomödien zählen fraglos zu den ewigen Klassikern von Unterhaltungsroutinier Ivan Reitman.".
• "Man kann aber auch den anderen Weg gehen und den Film als Komödie planen und sie dann auf gruselig trimmen. Der Trick: Die gruseligen Aspekte dürfen ihrerseits nicht lächerlich wirken. Nur dann kann das Ganze funktionieren. Und genau das haben die Autoren und Darsteller Dan Aykroyd (The Blues Brothers) und Harold Ramis (Groundhog Day) unter der Regie von Komödienspezialist Ivan Reitman in „Ghostbusters“ perfekt hingekriegt."

Anners wat

• För de Rullen as Geisterjagers weern oosrpünglich John Belushi, Dan Aykroyd un Eddie Murphy vörsehn.
• Dreiht woorn is de Film in New York un Los Angeles.
• För de Trickeffekten weer Richard Edlund verantwoortlich, de ok för de Star Wars Episoden IV, V un VI un ok bi Indiana Jones för de Effekten tostännig weer.

Utteken

De Ghostbusters weern för twee Oscars nomineert, neemlich in de Kategorien Best Trickeffekten för Richard Edlund, John Bruno Mark Vargo un Chuck Gaspar un Best Leed för Ray Parker Jr.

De Film hett 1985 veer Priesen wunnen:

• den Saturn Award för den Besten Fantasyfilm
• den BAFTA Film Award för dat Best Titelleed
• de Golden Lienwand
• den Young Artist Award för den Besten Familienfilm

Weblenken

• Ghostbusters in de Internet Movie Database (engelsch)