Groundhog Day
| Filmdaten | |
|---|---|
| Plattdüütsch Titel: | — |
| Originaltitel: | Groundhog Day |
| Düütsch Titel: | Und täglich grüßt das Murmeltier |
| Produkschoonsland: | USA |
| Johr vun’t Rutkamen: | 1993 |
| Läng: | 101 Minuten |
| Originalspraak: | Engelsch |
| Öllersfreegaav in Düütschland: | FSK 6 |
| Filmkru | |
| Speelbaas: | Harold Ramis |
| Dreihbook: | Danny Rubin Harold Ramis |
| Produkschoon: | Trevor Albert |
| Musik: | George Fenton |
| Kamera: | John Bailey |
| Snitt: | Pembroke J. Herring |
| Szenenbild: | David Nichols |
| Kledaasch: | Jennifer Butler |
| Dorstellers | |
| |
Groundhog Day (op Platt soveel as „Murmeldeerdag“; dt. Titel: Und täglich grüßt das Murmeltier) is en Filmkummedie vun 1993, worin Bill Murray en zynischen, sülvstsüchtigen Feernsehansegger speelt. An sien Siet speelt Andie MacDowell. Speelbaas weer Harold Ramis, de sülvst ok in en lütte Nevenrull to sehn is.
Inholt
[ännern | Bornkood ännern]Phil Connors is en Wederansegger in’t Feernsehn, de as elk Johr, na Punxsutawney föhren mutt, üm dor vun en Weder-Ritual to berichten. Dor ankamen, stickt he knasch in en Tietslööp fast. As en Alpdroom mutt he jümmer wedder den sülven Dag beleven. In Punxsutawney, Pennsylvania, warrt an dissen Dag, den 2. Februar, de Murmeldeerdag (Groundhog Day) fiert, de doröver befinnt, of de Winter noch wietergeiht oder de Fröhling kummt.
Nadem he weet, wat an den Dag allen’s passeert, fangt Phil bald an, sien Weten doröver to bruken, üm sik en sünner’t Leven mit veel Spaaß, Geld un Fronslüüd to günnen. Man as he versöcht, op de lieke Oort ok sien Kollegin Rita to verföhren, kummt he dormit nich wieter. Na en Tiet hett he de Nees vull un he fangt an to vertwieveln. So maakt he mehrmols Sülvstmoord, wat in’n Film as Naklapp vun lustige Versöken dorstellt warrt. Man keen vun disse Versöken föhrt to’n End vun dat anduernde Wedderhollen vun den Dag un he waakt elk morgen wedder Klock söss in sien Hotelruum op. He snackt mit Rita un begrippt langsom, dat he en Weg finenn mutt ut sien verfohren Leven. He mutt ehr Vertron jümmer wedder nee winnen. Na un na warrt Phil to en Minschen, de annere Lüüd helpt un Gode Saken maakt.
Phil schapt dat nich, annere dorto to bringen, sien Wünsch to erfüllen. Man mit de Tiet maakt he ut sik sülvst en beteren Minschen, as he de Tiet dorto bruukt sik Dag to Dag en beten sülvst optotrecken. So entwickelt he manch Talent, as t. B. Klavier spelen un finnt ok to minschlich Geföhl torüch. All dat tohopen maakt en wedder to en leeftallig Minschen un lett em en Weg finnen, ut den Kreisloop uttobreken.
Wirken
[ännern | Bornkood ännern]Groundhog Day is de deepgahend Parabel över de Fraag vun’t Strafen un Beter maken dör en högere Macht. Phil sütt sik sülvst in de Mitt vun’t Universum un warrt dorför afstraaft un mutt jümmer wedder den sülven Dag dörleven. Eerst as he ut sik sülvst rut en Ännern vun sien Leven schapen deit, dörbrickt he den Kreis un kann wedder normal wiederleven.
Liekers de Film in de Kinos nich so dull Spood harr, harr he en Oort tweet Leven in de Videotheken un in’t amerikaansch Feernsehn. In verscheden Religionen geev dat bedüdend Lüüd, de dat Thema vun den Film in jemehr egen Arbeit inbetogen hebbt, wiel se dorin en goden Utdruck för jemehr egen Glöven sehn hebbt. Die Grundidee vun den Film is vun mehrere Feernsehregen opgrepen worrn.
Kritiken
[ännern | Bornkood ännern]„Ein außergewöhnliches Werk der moralisch ausgerichteten Literatur ist zum Beispiel die scheinbar unbedeutende Komödie Und täglich grüßt das Murmeltier. Es präsentiert uns einen Charakter, der aus dem normalen Leben herausgenommen werden muss, damit er entdecken kann, dass er sein Leben abseits von sich selber lebt.“[1]
„Wenn ich einen Lieblingsfilm anführen sollte, dann würde ich wahrscheinlich Und täglich grüßt das Murmeltier angeben. Das ist eine Komödie, ein Fantasy-Film, eine Romanze und eine moralische Fabel, in der ein zynischer Mann von den Beschränkungen, die sein Leben prägen, erlöst wird.“[2]
Achtergrund
[ännern | Bornkood ännern]In Punxsutawney warrt siet 1887 an jeden 2. Februar (an den kathoolschen Fierdag Mariä Lichtmeet) ünner groten Medienrummel de Murmeldeertdag (Groundhog Day) fiert. Wenn dat Deert an dissen Dag opwaakt un en Schadden smitt, denn blifft dat noch för wietere söss Weken Winter. Wenn keen Schadden to sehn is, denn kummt de Fröhling – so seggt en öörtlich Wederregl, de angeevlich op düütsche Inwannerers torüchgahn schall. In de verleden 119 Johren hett Punxsutawney-Phil (so de Naam vun dat Beest) 96 mol sien Schadden sehn, 14 mol nich. Ut negen Johren gifft dat keen Opteken mehr. De Besökertallen vun den Murmeldeertdag sünd dör den Film op bit to dat Veerfache anstegen.
Dreiharbeiten
[ännern | Bornkood ännern]Dreiht worrn is de Film nich in Punxsutawney, man in Woodstock, Illinois, dat ruchweg 600 Mielen wiet weg liggt. En Grund weer, dat dat Ritual normalerwies nich, as in’n Film, mitten in de Stadt afhollen warrt, man buten in en Woold. De Indruck vun Woodstock weer na de Menen vun Speelbaas Ramis ok eenfach passend. He sülvst is in en lütte Nevenrull as Neuroloog to sehn, as he Phil en Opnahm vun sien Kopp verklort.
En poor vun de Szenen sünd buten dreiht worrn, as dat düchtig kolt weer. Vun de Inwahners weren deelwies Hittmakers brocht worrn. De Arbeiten to’n Film füngen in’n Januar 1992 an un weern in’n April afslaten. In Woodstock warrt noch vundaag elk Johr en Fest to de Tiet afhollen, as de Dreiharbeiten maakt weern. Dorto gifft dat Föhren to de Öörd, de in’n Film vörkamen sünd.
Anners wat
[ännern | Bornkood ännern]In’n Film is dat an’n Groundhog Day morgens Klock 6 al daghell. In Wirklichkeit geiht an’n 2. Februar de Sünn in Punxsutawney aver eerst gegen twintig na söven op. In Wohrheit müss dat also noch ganz düster wesen.
Utteken
[ännern | Bornkood ännern]De Film is mit de folgend Priesen uttekent worrn:
- 1993 mit den British Comedy Award as Beste Kummedie.
- 1994 mit den Saturn Award för Andy MacDowell as Beste Hööftdorstellerin.
- 1994 mit den BAFTA Film Award för Danny Rubin un Harold Ramis för’t Best Originaldreihbook.
- 1994 mit den BMI Film Music Award för George Fenton.
- 1994 mit den ALFS Award för Danny Rubin un Harold Ramis as de Best Dreihbookschrievers vnu’t Johr.
- 2006 mit de National Film Registry vun’t National Film Preservation Board.