Elijio Briceño

Vun Wikipedia
(wiederwiest vun Elijio Briceno)
Zur Navigation springen Zur Suche springen

Elijio Eloy Briceño (Joe Briceño, ok Don Joe oder Boss Joe nöömt; * 1937 oder 1938; † 21. Mai 2016 in Belize-Stadt) weer en Politiker ut Belize (PUP).

Briceño sien Broder weer Leopoldo Briceño. Briceño weer Schöler op dat St. John’s College in Belize-Stadt.[1] He is Schoolmeester worrn un weer för de PUP ok in’n Stadtraad von Orange Walk.

Bi de Parlamentswahl in Belize 1974 weer he Kannedaat för de PUP in’n Wahlkreis Orange Walk Noord un hett de Wahl mit 58,7 % von de Stimmen gegen Ignacio Vega von de UDP wunnen. Bi de Wahl 1979 weer he in’n sülven Wahlkreis wedder Kannedaat un hett sik mit 49,7 % von de Stimmen knapp gegen Elodio Aragon Senior von de UDP dörsett.

Bi de Wahl 1984 is he in’n nee billten Wahlkreis Orange Walk Zentraal antreden, hett aver mit 46,3 % von de Stimmen gegen Leliz Carballo von de UDP verloren.

Dormit weer he von 1974 bet 1984 Afornten von dat Repräsentantenhuus von Belize.

Ünner Premierminister George Cadle Price weer he toeerst Minister för Lokale Verwaltung un denn von 1979 bet 1984 Minister för Energie un Verkehr un dormit Maat von dat Kabinett Price I.

Von 1977 bet 1983 weer he tosätzlich Vörsitter von de Belize Sugar Cane Farmers Association.

In’n April 1985 is Briceño in Miami fastnahmen worrn.[2] Agenten von de DEA harrn em vörmaakt, dat se Drogen-Köpers weren un Briceño harr inwilligt Marihuana un Kokain in de USA to smuggeln.[2] An’n 1. August 1985 is Briceño vör’n District Court for Eastern North Carolina dör Richter William Earl Britt to söven Johr Fängnis un en Straaf von 50.000 US-Dollar veroordeelt worrn.[2][3]

An’n 23. Dezember 1999 is he Commissioner of the Supreme Court an’n Böversten Gerichtshoff von Belize worrn.[4]

Briceño is an’n 21. Mai 2016 in en Krankenhuus in Belize-Stadt doodbleven un na de Truurfier in de La Inmaculada Church an’n 25. Mai in Orange Walk begraven worrn.[5][6]

Sien Söhn John Briceño is ok Politiker.

Footnoten[ännern | Bornkood ännern]

  1. Former Government Minister Elijio Joe Briceno Dies, Love FM an’n 24. Mai 2016
  2. a b c Ex-Official of Belize Sentenced in Drug Plot, New York Times an’n 11. September 1985, Sied 18
  3. Elliott Warnock: Former Belize minister gets 7 years on drug charges, UPI an’n 10. September 1985
  4. Commissioners of the Supreme Court, Belize Judiciary
  5. Remembering Elijio Briceño, Channel 5 Belize an’n 26. Mai 2016
  6. Elijio Briceno buried today, Breaking Belize News an’n 25. Mai 2016