Bockhorst (Gemeen Elsdörp)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04286 | |
| Geograafsche Laag: | Koordinaten:53° 14′ N, 9° 23′ O53° 14′ N, 9° 23′ O | |
|
| ||
Bockhorst (hoochdüütsch Bockhorst) is en lütten Oort in de Gemeen Elsdörp (Samtgemeen Zeven) in’n Landkreis Rodenborg, Neddersassen. De Oort höört polietsch al von öllers bi Elsdörp mit bi.
Geografie
[ännern | Bornkood ännern]Dör Bockhorst doot de Bargelbeek un de Buschhorstbeek fleten. De Bargelbeek münnt in’n Buschhorstbeek un de Buschhorstbeek in de Au-Meh. Na Oosten to liggt dat Hatzer un Sooteler Moor.
De Naveröörd sünd Ehsdörp un Hatz in’n Noordoosten, Sootel in’n Oosten, Olenhöben un Wittkopsbossel in’n Süüdoosten, Abbendörp in’n Süden, Heesdörp in’n Süüdwesten, Jeem, Borgwall un Borg Elsdörp in’n Westen un Badenhorst un Elsdörp in’n Noordwesten.
Historie
[ännern | Bornkood ännern]Bockhorst weer en Riddergood, dat de Familie von Schulte tohöört hett.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Zeven in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Elsdörp in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
De Oort is an’n 1. März 1974 as Deel von de Gemeen Elsdörp mit de Gemeenreform in Neddersassen an de ne’e, gröttere Gemeen Elsdörp kamen.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 2 Füürsteden |
| 1824[2] | 2 Füürsteden |
| 1848[3] | 18 Lüüd, 4 Hüüs |
| 1. Dezember 1871[4] | 18 Lüüd, 2 Hüüs |
Religion
[ännern | Bornkood ännern]Bockhorst is evangeelsch-luthersch präägt un höört to dat Kaspel von de Allerhilligen-Kark in Elsdörp.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Bockhorst liggt an en Blangenstraat von de Landsstraat 131, de in’n Noordwesten dör Elsdörp un na Zeven an de Bundsstraat 71 ran geiht un in’n Süüdoosten över Abbendörp un Hetzweeg na Scheeßl an de Bundsstraat 75.
De nächste Autobahn is de Autobahn 1, de so bi een Kilometer af von’n Oort langsföhrt. De Opfohrt 48 Elsdörp liggt dree Kilometer in’n Noordwesten von Bockhorst.
De nächste Bahnhoff is so bi 15 Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen. Fröher hett dat dichtbi ok en Bahnhoff an de Bahnlien Bremervöör–Wasra geven. Dat weer de Bahnhoff Elsdörp fiev Kilometer in’n Noordwesten. Personenverkehr hett dat dor von 1906 bet 1968 geven.
Scholen
[ännern | Bornkood ännern]De Kinner ut Bockhorst gaht op de Grundschool Elsdörp.
Footnoten
[ännern | Bornkood ännern]- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 27: https://books.google.de/books?id=jN5QAAAAcAAJ&pg=RA1-PA27
- ↑ C. H. Jansen: Statistisches Handbuch des Königreichs Hannover. 1824, Sied 72: http://books.google.de/books?id=tG0AAAAAcAAJ&pg=RA1-PA72
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170
Badenhorst | Bockhorst | Borg Elsdörp | Borgwall | Ehsdörp | Elsdörp | Frankenbossel | Hatz | Nindörp | Poitzendörp | Rüspel | Volkens