Arensch

Wapen/Flagg	Koort
Basisdaten
Bundsland: Neddersassen Landkreis: Cuxhoben Gemeen: Cuxhoben
Inwahners:
Postleettall:	27476
Vörwahl:	04723
Geograafsche Laag:	53° 50′ N, 8° 35′ O

Arensch is en Oort in de Gemeen Cuxhoben in’n Landkreis Cuxhoben, Neddersassen. De Oort billt binnen Cuxhoben tohoop mit Berensch de Oortschop Berensch-Arensch.

Geografie

Arensch liggt op de Geest glieks an de ole Kant von de Noordsee. Dör dat Winnen von Neeland liggt de Oort nu aver so bi 500 Meter von de Noordsee un den Natschonalpark Neddersassisch Waddensee af. In’n Süüdoosten liggt de Cuxhobener Küstenheid un in’n Noorden twischen Sahlenborg un Arensch de Wernerwald.

De Naveröörd sünd Sahlenborg, Spangen un Holt in’n Noordoosten, Olenwoold in’n Süüdoosten un Berensch in’n Süden.

Historie

1394 is Arensch tohoop mit Stickenbüttel, Duhnen, Döös, Sahlenborg, Steenmarn un Ritzbüttel an Hamborg verköfft worrn.

Arensch hett sik 1873 mit Berensch to een Gemeen tohoopdaan un de Gemeen Berensch-Arensch billt.

Arensch hett noch bet to’n Groot-Hamborg-Gesett (1. April 1937) to Hamborg tohöört. Denn is dat Deel von’n Kreis Land Hadeln worrn. An’n 1. Februar 1971 is Arensch denn Deel von de Gemeen Cuxhoben worrn.

Inwahnertall

Johr	Inwahners
1847-00-001847	23
1866-12-033. Dezember 1866	25
1871-12-011. Dezember 1871	31

Religion

Arensch is evangeelsch-luthersch präägt un höört to dat Kaspel Olenwoold.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

Infrastruktur

Verkehr

Von Arensch gifft dat lüttjere Straten na Sahlenborg, Berensch un an de Kreisstraat 7 ran, de denn na Spangen wiederlöppt.

De nächsten Bahnhööv sünd de Bahnhoff Noordholt an de Bahnlien Bremen-Cuxhoben (so bi teihn Kilometer weg) un in Cuxhoben an de Bahnlien Bremen-Cuxhoben un de Nedderelvbahn na Hamborg (so bi ölven Kilometer weg).