Wernerwald

De Wernerwald is en üm un bi 315 Hektar groot Holt, dat op dat Rebeed von de Stadt Cuxhoben twüschen Sahlenborg, Holt-Spangen un Arensch liggt.

De Wernerwald is een von de wenigen Hölter (blangen Rebeden bi Dangast un Sankt Peter-Ording) dat an de Noordseeküst liggt. Op den sannigen Bodden an’n Rand von de Hoge Lieth wasst vör allen Föhren. In em doot dat Finkenmoor un en 225×75 Meter groten Diek liggen, de ut Borns ünner de Eer Water kriggt. He is en Verhaalrebeet för Cuxhoben, warrt aver ok veel von Touristen von buten bruukt. Dör dat Holt gaht en ganze Reeg Wanner- un Riedweeg. An’n Rand liggt dat Waldfreebad Sahlenborg.

Geschicht

Dat Holt is 1880 von’n Ritzbüttler Amtsverwalter Charles Anthony Werner anleggt worrn. Dat Land weer vörher Heid. Dat Holt schull Stormfloden afwehren helpen. De Naam weer toeerst Sahlenbörger Revier, aver dor hett sik gau de Naam „Wernerwald“ inbörgert.

An’n 5. Januar 1939 is de Wernerwald ünner Landschopsschuul stellt worrn.

Dwars dör’n Wernerwald is in’n Harvst 1945 en Sneis för de Opation Backfire (Deel von de Raketenstarts in Cuxhoben) anleggt worrn. Ok en Afscheetramp un twee Bunkers sünd dor anleggt worrn.

Lüttje Rebeden von’n Wernerwald (Finkenmoordiek, Deemoor un Kliff an’n Albertsee) höört siet 2009 ok to dat Weltnaturarv Waddensee.

Biller

• 
  Blick op de Noordsee ut’n Wernerwald rut
• 
  Dat Finkenmoor
• 
  Gedenksteen för Amtmann Werner

Literatur

• Günter Wolter: Der Wernerwald. Schriftenreihe der Gesellschaft für Natur- und Umweltschutz Cuxhaven e. V. (G.N.U.), Heft 6, Verlag Cuxhavener Nachrichten, Cuxhoben 1980

Weblenken

Wernerwald. Mehr Biller, Videos oder Audiodateien to’t Thema gifft dat bi Wikimedia Commons.