Ahüser Möhl
De Ahüser Möhl (hoochdüütsch Ahauser Mühle) is en fröhere Watermöhl in de Gemeen Ahusen (Samtgemeen Söttmer) in’n Landkreis Rodenborg, Neddersassen. De Möhl liggt an’n Ahüser Beek, de later in de Wümm münnt.
Geografie
[ännern | Bornkood ännern]De Möhl liggt in Alleenlaag buten dat Dörp Ahusen. De Öörd ümto sünd Waaschen in’n Noordoosten, Ünnerst in’n Oosten, Ahusen in’n Süüdoosten, Bokel in’n Süden, Hellweeg in’n Westen un Fährhoff, Söttmer un Hassendörp in’n Noordwesten.
Historie
[ännern | Bornkood ännern]De Möhl kummt 1694 toeerst in de Oorkunnen vör. Se hett en dree Hektar groten Möhlendiek. 1901 is de ole Fackwarkmöhl afreten worrn un dor is en ne’e Möhl kumplett in Backsteen boot worrn. De Möhl hett denn ok bald en Turbin kregen, de von 1919 af an ok elektrischen Stroom produzeert hett. 1974 hett de Möhl denn aver ophöört to lopen.
De Möhl hett to Anfang dat 18. Johrhunnert de Familie Manecke tohöört. 1719 hett en Möller Kohte in de Familie inheiraadt un later is de Möhl an düsse Familie övergahn. De Familie Kohte is bet in de jüngere Tied Besitter von de Möhl bleven.
Vondaag is de Möhlenhoff, to den noch en Reeg annere Gebüüd blangen de Möhl mit tohöört, as Bodenkmaal schuult.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1905[1] | 17 Lüüd, 2 Hüüs |
Religion
[ännern | Bornkood ännern]De Inwahners op’n Möhlenhoff sünd traditschonell evangeelsch-luthersch präägt un de Möhl höört to dat Kaspel von de Marien-Kark in Ahusen.
Footnoten
[ännern | Bornkood ännern]- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150
Koordinaten:53° 4′ N, 9° 18′ O