Noordkorea

Vun Wikipedia
Wesseln na: Navigatschoon, Söök
조선민주주의인민공화국
Chosŏn Minjujuŭi Inmin Konghwaguk
Flagg vun Noordkorea Wapen vun Noordkorea
(Flagg) (Wapen)
Wahlspröök: 강성대국
Natschonalhymne: Aegukka
Woneem liggt Noordkorea
Hööftstadt Pjöngjang
39° 2′ N, 125° 45′ E
Gröttste Stadt Pjöngjang
Amtsspraak Koreaansch
Regeren
Präsident vun’n Böversten Volkskongress
Volksrepublik
Kim Yong-nam
Unafhängigkeit

9. September 1948

Grött
 • Allens
 • Water (%)
 
122.762 km²
4,87 %
Inwahnertall
 • 2007 afschätzt
 • Inwahnerdicht
 
23.301.725
190/km²
Geldsoort Noordkoreaansch Won (KPW)
BBP 40,00 Milliarden $ (2007)

1900 $ je Kopp

Tietrebeet KST (UTC+9)
Internet-TLD .kp
ISO 3166 KP
Vörwahl +850
Noordkorea

Noordkorea is en Land in Asien. Tohopen mit Süüdkorea liggt dat up dat Halfeiland Korea. Hüdigendags leevt in Noordkorea um un bi 23,3 Millionen Minschen.

Geografie[ännern | Bornkood ännern]

Satellitenbild vun Korea

Noordkorea liggt in’n Oosten vun Asien op de koreaansche Halvinsel un de Eilannen vör de koreaansche Halvinsel. Dat Land is 122.762 Quadratkilometers groot. Dat gifft kuum gröttere Seen, blot 130 Quadratkilometer sünd Water. Dat Binnenland is temlich bargig. In’n Westen hett dat Land en Küst to de Gele See, in’n Oosten to de Japaansche See. De Küstenlien is alltohoop 2.495 Kilometer lang un to dat Land höört 3.579 Eilannen to.

In’n Noorden grenzt dat Land op 1.416 Kilometer an China. Blot op en lütten Stremel vun 19 Kilometer in’n Noordoosten grenzt Noordkorea an Russland. Dor billt de Stroom Tumen de Grenz. In’n Süden liggt de Grenz to Süüdkorea, de 238 Kilometer lang is.

De hööchste Barg is de Paektu mit 2.744 m an de Grenz to China.

Inwahners[ännern | Bornkood ännern]

De allergröttste Deel vun de Inwahners sünd Koreaners. Dat gifft en lütte Minnerheit vun Chinesen an de Grenz na China, ans hett Noordkorea kene inheemschen ethnischen Minnerheiten. Towannerers gifft dat ok meist keen.

De Spraak vun de koreaansche Mehrheit un eenzige Amtsspraak is Koreaansch.

Religionen[ännern | Bornkood ännern]

Vun öllers her harrn de Koreaners en schamaansch Glöven. Aver al länger geev dat ok grote Gruppen vun Buddhisten un Konfuzianers. Ünner de Herrschop vun’n Sozialismus sünd veel Lüüd nu Atheisten. Aver ok de to Anfang dat 20. Johrhunnert nee opkamene Cheondoismus hett vele Anhängers. Na de offizielle Statistik (Stand 2000) sünd 71,2 % Atheisten, 12,9 % Cheondoisten, 12,3 glöövt an’n Schamanismus, 2,1 % sünd Christen un 1,5 % Buddhisten.

Politik[ännern | Bornkood ännern]

Noordkorea is indeelt in negen Provinzen, twee Städer un dree besünner Regionen.

Mehr ünner Ünnerafdelen vun Noordkorea.

Kultur[ännern | Bornkood ännern]

Fier- un Gedenkdaag[ännern | Bornkood ännern]

Typ Dag Fierdag/Gedenkdag
Fierdag 1. Januar Neejohr
Gedenkdag 15. Januar Chosŏn'gŭl-Dag
Fierdag 16. Februar Geboortsdag vun’n Groten Föhrer Kim Jong-il (twee Daag)
Gedenkdag 20. Februar Dag vun de Maschinenarbeiders
Gedenkdag 5. März Dag vun de Buurn
Gedenkdag 8. März Internatschonal Froondag
Gedenkdag 22. März Dag vun de Fischerlüüd
Gedenkdag 5. April Dag vun de Gesundheit
Gedenkdag 6. April Wedderopforstungsdag
Gedenkdag 8. April Dag vun de Kommunikatschoon
Fierdag 15. April Geboortsdag vun’n Groten Föhrer Kim Il-sung
Fierdag 25. April Grünnungsdag vun de Koreaansche Volksarmee
Fierdag 1. Mai Dag vun de Arbeit
Gedenkdag 11. Mai Dag vun de Iesenbahn
Gedenkdag 15. Mai Dag vun de geoloogsche Forschung
Gedenkdag 21. Mai Dag vun de Boarbeiders
Gedenkdag 1. Juni Internatschonal Kinnerdag
Gedenkdag 6. Juni Dag vun de Grünnung vun de koreaansche Kinnerunion
Gedenkdag 7. Juni Dag vun de natschonale Industrie
Gedenkdag 1. Juli Dag vun de Minenarbeiders
Gedenkdag 7. Juli Dag vun de Kahlenbarglüüd
Gedenkdag 8. Juli Doodsdag vun’n Groten Föhrer Kim Il-sung
Fierdag 27. Juli Dag vun’n Sieg in’n Vaderlandschen Befreeungskrieg
Gedenkdag 10. August Dag vun de Wooldarbeiders
Fierdag 15. August Dag vun de natschonale Befreeung (vun Japan)
Gedenkdag 20. August Dag vun de Luftwaffe
Gedenkdag 28. August Dag vun de Marine
Fierdag 9. September Natschonalfierdag (Grünnungsdag vun de Demokraatsche Volksrepublik Korea)
Fierdag 10. Oktober Dag vun de Gründung vun de Arbeidspartei vun Korea
Fierdag 27. Dezember Dag vun de Verkünnung vun de Sozialistische Verfaten vun de DVRK
Na’n Maandklenner
Fierdag 1. Dag vun’n 1. Maand Neejohr (dree Daag)
Fierdag 5. Dag vun’n 5. Maand Surinal (dree Daag)
Fierdag 15. Dag vun’n 8. Maand Hangawi

Weblenken[ännern | Bornkood ännern]