Gele See

Vun Wikipedia
Wesseln na: Navigatschoon, Söök
Laag von de Gele See
Satellitenbild von en Deel von de Gele See. Good to kennen is de geelbrune Klöör von’n inswemmten Löss. An de Kant von lössriek na lössarm Water is an de gröne Klöör de Algenblööt to kennen, de dör de Nehrstoffen in’n Löss utlööst warrt

De Gele See (chineesch: 黄海, koreaansch: 서해 oder 황해) is de noorden Deel von de Oostchineesche See un so en Blangensee von’n Pazifik. Se liggt twischen de Halvinsel Korea mit de Staten Noord- un Süüdkorea in’n Oosten un de Volksrepubliek China in’n Westen. Na Süden to is de Gele See na de Oostchineesche See apen. In’n Noorden liggt de twee groten Buchten Bucht von Korea (noordoosten) un Bohai-See (noordwesten), de dör de Halvinsel Liaodong vonenanner afdeelt sünd. In de Bohai-See münnt ok de beiden groten Strööm Hai He un de Gele Stroom.

Sien Naam hett de See af von dat gele Water, dat sien Klöör von’n Löss hett, den de Gele Stroom in de Gele See driggt.

De Gele See hett en Grött von üm un bi 380.000 km², is narms deper as 105 m un in’n Dörsnidd 44 m deep. De Gele See hett grote Wattrebeden.

Rebeed[ännern | Bornkood ännern]

De Internationale Hydrograafsche Organisation gifft de Grenzen von de Gele See so an:[1]

In’n Süden. De Lien von 33° 17′ Noord von Saisyu To (Quelpart) [nu as Jeju-do kennt] na de faste Wall [von China].

In’n Süüdoosten. Von de western Kant von Quelpart na Ka Nyo (34° 13′ N) in de Mengoru Grupp, denn na de Noordspitz von Oku To (34° 22′ N), na de Westspitz von Syo-Zyonan To un de Noordspitz von Zyonan To (34° 24′ N) na en Punkt an de Küst von Tin To (34° 25′ N) langs de Noordwest-Kst von dit Eiland na ehr Noordspitz, un denn liek na Noordoosten na den fasten Wall von Korea.

Weblenken[ännern | Bornkood ännern]

Commons-logo.svg Gele See. Mehr Biller, Videos oder Audiodateien to’t Thema gifft dat bi Wikimedia Commons.


Footnoten[ännern | Bornkood ännern]

  1. Limits of Oceans and Seas, 3rd edition, 1953


Koordinaten:35° 0′ N, 123° 0′ O