Paektu

Vun Wikipedia
Wesseln na: Navigatschoon, Söök
Paektu
Paektu-san.jpg
Barggrupp: Changbai-Bargen
Hööchd: 2.744 m över de See
Laag: Noordkorea, China
Laag:
Koordinaten:42° 0′ N, 128° 3′ O
42° 0′ N, 128° 3′ O
Blick op den Hevensee
De Waterfall

De Paektu is en 2744 m hogen Vulkaan in de Changbai-Bargen an de Grenz von Noordkorea (Provinz Ryanggang) un de Volksrepubliek China (Provinz Jilin). He is de gröttste Barg in Noordkorea. In de Caldera liggt en groten Kratersee, de Hevensee.

De Paektu is en Stratovulkaan. De meist fiev Kilometer brede Caldera is woll bi dat Utbreken von’n Vulkaan in dat Johr 969 AD (± 20 Johr) mit en Weert von 7 op den Vulkanexplosivitätsindex un 96 km³ utsmeten Materaal kamen. Dat Water ut’n Hevensee flütt in’n Noorden ut’n Krater rut un formt en 70 m hogen Waterfall. An de Anbargen von’n Paektu hebbt de Strööm Songhua, Tumen un Yalu ehr Borns.

In de Johren 1413, 1597, 1668, 1702 un 1903 is de Vulkaan noch wedder utbraken.

Weblenken[ännern | Bornkood ännern]

Commons-logo.svg Paektu. Mehr Biller, Videos oder Audiodateien to’t Thema gifft dat bi Wikimedia Commons.