Yalu

Vun Wikipedia
Wesseln na: Navigatschoon, Söök
Yalu
Laag Noordkorea, China
Yalurivermap.png
Läng 813 km
Born bi’n Paektu, Changbai-Bargen (op 2.500 m över de See)
Münn in de Bucht von Korea (op 0 m över de See)
Afströömrebeed 30.000 km²
linke Blangenströöm Changjin, Hŏch'ŏn, Changja

De Yalu oder Amrok is en 813 km langen Stroom, de de Grenz von China na Noordkorea billt.

De Born von’n Yalu is bi’n Barg Paektu in de Changbai-Bargen. Von dor flütt he na Süüdoost bet Hyesan un dreiht dor denn na Noordwest. Na 130 km dreiht he bi Linjiang op Süüdwest un flütt denn na 300 km in de Bucht von Korea. Bi Changdianzhen warrt de Stroom von’n Supung-Staudamm to’n Supung-See opstaut. Disse Staudamm levert en groten Deel von’n Stroom för Noordkorea.

De twee eenzigen Brüggen över den Stroom sünd vondaag de Sinokoreaansche Fründschopsbrügg twischen Dandong un Sinuiju un de Brügg von Jian twischen Jian un Manpo. All de annern sünd in’n Koreakrieg von de Amerikaners tweibummt worrn.

Vonwegen sien strateegsche Laag an de Grenz von Korea un China hett dat twee grote Slachten an de Münn von’n Yalu geven, de Slacht an’n Yalu 1894 in’n Sinojapaanschen Krieg un de Slacht an’n Yalu 1904 in’n Russ’sch-japaanschen Krieg.


Koordinaten:39° 50′ N, 124° 19′ O