Changbai-Bargen

Vun Wikipedia
Wesseln na: Navigatschoon, Söök

De Changbai-Bargen (oder na’n koreaanschen Naam Changbaek-Bargen) sünd en Bargkeed an de Grenz von China (Provinzen Heilongjiang, Jilin un Liaoning) un Noordkorea (Provinzen Ryanggang un Chagang. De höögste Topp is de Paekdu mit 2744 m över de See un ok en Reeg annere Bargen reckt bet över 2000 m.

De Strööm Songhua, Tumen un Yalu hebbt jemehr Borns in de Changbai-Bargen. Jüstso en Reeg Blangenströöm von’n Liao.

Na de Legenn sünd de Bargen ok de Geboortsoort von Bukuri Yongson, wat de Vörfohr von Nurhaci un de Familie Aisin Gioro weer, de den Mandschu-Staat un de Qing-Dynastie grünnt hebbt.


Koordinaten:41° 44′ N, 128° 4′ O