Ünnerafdelen vun Noordkorea

Vun Wikipedia
Wesseln na: Navigatschoon, Söök

Noordkorea is indeelt in negen Provinzen (Do), twee Städer (Chikhalsi) un dree besünner Regionen.

Dat aktuelle System is 1952 vun Kim Il-sung inföhrt worrn.

De Provinzen sünd normalerwies indeelt in Kreise (Kun). Welk Provinzen hebbt blangen de Kreise ok Regionen (Chigu). Kreise mit veel Inwahners hebbt den Titel Stadt (Si). De Stadt Nampo hett den Titel besünner Stadt (T'ŭkkŭpsi). De Butenrebeden vun de Städer sünd indeelt in Kreise un dat Zentrum in Stadtdelen (Kuyŏk). De Kreise un de Butenrebeden vun de Städer sünd denn op de drüdde Ebene indeelt in Dörper (Ri). De drüdde Ebene in de Stadtzentren is de Naverschop (Dong). Gröttere Öörd binnen en Kreis warrt nich as Dörp betekent, sünnern as Landstadt (Ŭp). Welk Kreise hebbt ok Arbeiderdistrikten (Rodongjagu) as Ünnerafdelen.

De dree besünner Regionen hebbt keen Ünnerafdelen.

List[ännern | Bornkood ännern]

Ünnerafdelen vun Noordkorea
Kreise un Regionen vun Noordkorea
Nummer in de Koort Naam Status indeelt in
1 Pjöngjang Stadt
2 Rason besünnere Stadt
3 Industrieregion Kaesong besünner Region
4 Tourismusregion Kumgangsan besünner Region
5 Sünnerregion Sinuiju besünner Region
6 Chagang Provinz 3 Städer, 15 Kreise
7 Noord-Pyongan Provinz 3 Städer, 22 Kreise
8 Süüd-Pyongan Provinz 1 besünnere Stadt, 5 Städer un 19 Kreise, 3 Regionen
9 Süüd-Hwanghae Provinz 1 Stadt, 19 Kreise
10 Noord-Hwanghae Provinz 3 Städer, 19 Kreise
11 Kangwon Provinz 2 Städer, 15 Kreise
12 Süüd-Hamgyong Provinz 4 Städer, 15 Kreise, 2 Regionen
13 Noord-Hamgyong Provinz 3 Städer, 12 Kreise
14 Ryanggang Provinz 1 Stadt, 11 Kreise

Öllere Städer[ännern | Bornkood ännern]

Veer Städer sünd fröher mal egenstännig wesen, sünd denn aver wedder Deel vun en Provinz worrn.

  • Chongjin, nu Deel vun Noord-Hamgyong
  • Hamhung, nu Deel vun Süüd-Hamgyong
  • Kaesong, egenstännig bet 2003, nu Deel vun Noord-Hwanghae
  • Nampo, egenstännig bet 2004, nu Deel vun Süüd-Pyongan