Nampo
Dit Woort hett noch annere Bedüden: kiek dorför ünner Nampo (Mehrdüdig Begreep).
Nampo (koreaansch 남포) is en Havenstadt an de Münn von’n Taedong in de Bucht von Korea, Provinz Süüd-Pyongan in Noordkorea. De Stadt hett 450.723 Inwahners op en Rebeed von 82,9 km² (Stand 1. Januar 2005).
Dichtbi Nampo liggt de Nyongwon-Damm, de den Taedong von de Bucht von Korea afsperrt. De Damm hett aver Slüsen för Scheep bet 50.000 BRT, de bet na’n Haven von Nampo föhren köönt.
Historie[ännern | Bornkood ännern]
De Stadt weer fröher en lütt Fischerdörp. Eerst 1897 hett sik Korea för den Hannel na buten apent un Nampo mit sien gode Laag an de Münn von’n Taedong is denn as Hannelshaven bruukt worrn un gau wussen.
In de Tied von de Japaansche Herrschop in Korea 1910 bet 1945 hebbt se de Stadt Chinnampo nöömt.
Von 1980 bet 2004 weer Nampo en egenstännige Stadt binnen Noordkorea, mit den sülven Status as en Provinz. Denn is se aver wedder Deel von Süüd-Pyongan worrn.
Stadtdelen[ännern | Bornkood ännern]
Verkehr[ännern | Bornkood ännern]
De Stadt is de Ennbahnhoff von de Pyongnam-Lien, de na Pjöngjang löppt.
Von Nampo na Pjöngjang löppt en 43 km lange Autobahn mit acht Bahnen, de Straat von de jungen Hellen nöömt warrt.
Weertschop[ännern | Bornkood ännern]
För de Weertschop sünd vör allen de Haven, Fischeree un de Warften wichtig. Ans gifft dat ok Buntmetall-, Glas- un Maschinenboindustrie.
Koordinaten:38° 44′ N, 125° 24′ O