Chollima

Vun Wikipedia
Wesseln na: Navigatschoon, Söök
Bild von Chollima ut dat Königriek Silla, üm un bi 5. oder 6. Johrhunnert na Christus

Chollima (koreaansch 천리마, bedüüdt Dusend-Mielen-Peerd [koreaansche Mielen: Li]) is en Peerd mit Flünk ut de Mythologie von de Koreaners.

In Noordkorea weer Chollima na’n Koreakrieg en Symbol för den Wedderopbo un dat Vörankamen von dat Land. Wat för China de Grote Sprung na vörn weer, weer för Noordkorea de Chollima-Bewegung. 1961 is in Pjöngjang en 32 m hoge Chollima-Statue opboot worrn. De wichtigste Lien von de U-Bahn Pjöngjang driggt ok den Naam Chollima.