Kaesong

Vun Wikipedia
Wesseln na: Navigatschoon, Söök
Blick op Kaesong

Kaesong (koreaansch 개성시) ios en Stadt in de Provinz Noord-Hwanghae in Noordkorea. De Stadt hett 308.440 Inwahners (Stand 2008) op en Rebed von 1309 km².

Geografie[ännern | Bornkood ännern]

De Oort liggt twölv Kilometer noorden von Panmunjeom, dicht bi de Grenz na Süüdkorea.

Historie[ännern | Bornkood ännern]

Kaesong is 918 von Wang Geon as ne’e Höövdstadt von sien Königriek Goryeo grünnt worrn. Dormaals is de Stadt Song-ak nöömt worrn un schall bet to 800.000 Inwahners hatt hebben. 960, ünner König Gwangjong, hett de Stadt de Naam Gaegyeong kregen. Dat Enn von Kaesong as Höövdstadt keem 1392, as Yi Song-gye von de Joseon-Dynastie de Höövdstadt na Hanyang leggt hett.

In de Tied von de Japaansche Herrschop in Korea von 1910 bet 1945 hebbt de Japaners de Stadt Kaijō nöömt. Kaesong hett in’n Süden von 38. Bredengraad legen un hett dorüm na’n Tweten Weltkrieg toeerst in de amerikaansche Besatterzoon legen un hett to Süüdkorea tohöört. Na’n Koreakrieg keem Kaesong aver in’n Noorden von de Demilitariseerte Zoon to liggen un weer denn Deel von Noordkorea.

Von 1955 bet 2003 weer Kaesong binnen Noordkorea en egenstännige Stadt, de to keen Provinz tohöört hett, is denn aver Deel von de Provinz Noord-Hwanghae worrn.

Inwahnertallen[ännern | Bornkood ännern]

Johr Inwahners
1921-00-00 1921 37.000
1929-00-00 1929 45.000
1932-00-00 1932 49.700
1935-00-00 1935 54.400
1967-00-00 1967 140.000
1976-00-00 1976 240.000
1981-00-00 1981 259.000
2005-00-00 2005 338.155
2008-00-00 2008 308.440

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Von Kaesong löppt en Autobahn na Pjöngjang.

De Oort liggt an de P'yŏngbu-Iesenbahnlien, de na Pjöngjang löppt. Fröher güng de Lien na Süden na Seoul wieder, aver de Bahnlien is nu dör de Staatsgrenz deelt.

Scholen[ännern | Bornkood ännern]

In Kaesong gifft dat de Koryo-Songgyungwan-Universität, de Kommunistische Universität un en Kunsthoogschool.

Delen[ännern | Bornkood ännern]

Kaesong is ünnerdeelt in 24 Naverschoppen un 3 Dörper.

Naverschoppen:

Dörper:

  • Pakyon (박연리/朴淵里)
  • Samgo (삼거리/三巨里)
  • Tokam (덕암리/德岩里)

Weblenken[ännern | Bornkood ännern]

Commons-logo.svg Kaesong. Mehr Biller, Videos oder Audiodateien to’t Thema gifft dat bi Wikimedia Commons.



Koordinaten:37° 58′ N, 126° 33′ O