Georgien

Vun Wikipedia
Wesseln na: Navigatschoon, Söök
'Sakartwelo,საქართველო'
Flagg vun Georgien Wapen vun Georgien
(Flagg) (Wapen)
Wahlspröök: ძალა ერთობაშია/dsala ertobaschia („Kraft dör Eenheit“)
Natschonalhymne: Tawisupleba
Woneem liggt Georgien
Hööftstadt Tiflis (georgisch Tbilissi)
38° 53′ N, 77° 02′ W
Gröttste Stadt Tiflis
Amtsspraak Georgische Spraak
Regeren
Präsident
Präsidialrepubliek
Micheil Saakaschwili
Souveränität

Vun Russland
9. April 1991

Grött
 • Allens
 • Water (%)
 
69.700 km²
? %
Inwahnertall
 • 2007 afschätzt
 • Inwahnerdicht
 
4.646.003
67,3/km²
Geldsoort 1 Lari = 100 Tetri ([[ISO 4217|]])
BBP $ (2004)

$ 2.355 $ je Kopp

Tietrebeet
 • Sommertiet
UTC +4 (UTC)

MEZ +3 (UTC)

Internet-TLD
ISO 3166
Vörwahl ++995
Städer in Georgien

Georgien, up Georgisch Sakartwelo, (fröher ok Grusinien oder Grusien) is een Land in den Westen vun Asien. Dor wahnt üm un bi 4.800.000 Inwahners. In de georgisch Spraak warrt dat Land საქართველო, Sakartwelo nömmt. Dat liggt in Transkaukasien in den Oosten vun de Swarte See un in den Süden vun den Kaukasus. In'n Norden hett Georgien een Grenz mit Russland un in'n Süden mit de Törkie un mit Armenien. In'n Oosten is Aserbaidschan de Naber.

Geographie[ännern | Bornkood ännern]

Allgemeen[ännern | Bornkood ännern]

Wat de Geographie angeiht, liggt de Staat Georgien an den Kaukasus an de Grenz mank Europa un Asien. De Inwahners seggt to jem ehr Land, dat is de Balkon vun Europa. Georgien is 69.700 km² groot. Up 87% vun dat Land finnt sik grote un lüttjere Bargen. In'n Noorden liggt de süüdlich Deel vun den Groten Kaukasus, in'n Süden de westlich Deel vun den Rügg vun den lüttjen Kaukasus. Dor is ok noch de Rand vun dat Hoochland vun Armenien. Dormank gifft dat plattet Land, as dat Kolchisch Deepland in'n Westen un datDeepland vun den Transkaukasus in'n Oosten. Düt Deepland warrt ünnerdeelt in dat platte Land vun Binnerkarteli, dat platte Land vun Ünnerkarteli un dat platte Land vun Alsasani.

Bargen un Strööm[ännern | Bornkood ännern]

De hööchste Barg is de Schchara in den Groten Kaukasus. He is 5.068,9 m hooch. De längste Stroom is de Kura. Düsse Stroom heet up georgisch Mtkwari un is öber allens 1.364 km lang, man bloß 351 km ströömt vun Süüd nah Oost dör Georgien dör. Annere Strööm sünd de Alasani (351 km), de Rioni (333 km) un de Enguri (213 km). Dat gröttste Binnenmeer is dat Meer vun Parawani. Dat liggt 2.073 m hooch un breedt sik öber 37,5 km² ut. De deepste Höhl vun de Welt, sowiet as de bekannt sünd, is de Voronya-Höhl. De is 2.164 m deep.

Städer[ännern | Bornkood ännern]

De gröttsten Städer sünd Tiflis (up georgisch Tbilissi) mit 1.258.085 Inwahners, Kutaissi mit 178.350 Inwahners, Batumi mit 118.297 Inwahners, Rustawi mit 112.624 Inwahners, Sochumi mit 81.546 Inwahners, Sugdidi mit 73.014 Inwahners, Gori mit 46.680 Inwahners un Poti mit 46.112 Inwahners (allens an'n 1.Januar 2005). Kiek ok nah bi de List vun de Städer in Georgien

Klima[ännern | Bornkood ännern]

Vunwegen sien Laag achter den Kaukasus kriggt Georgien de kole Luft ut den Noorden nich af un warrt upwarmt vun de Swarte See. Dat gifft verscheden Zonen vun dat Klima. Dat langt vun dat suptropisch-fochtige Klima in den Westen bit hen nah matig-dröög Binnenklima in'n Oosten. In Döörsnitt liggt de Lufttemperatur in den Westen bi 15 °C un in den Oosten bi 11 bit 13 °C. Regen gifft dat in'n Westen bi 3.000 mm, in'n Oosten bi 400mm. Dat Vörjahr in Georgien is kort mit grode Ünnerscheed in de Temperatur. De Summer is faken glönig heet. In'n Harfst is dat sunnig un warm un in'n Winter is dat mit den Snee man minne.

Minschen[ännern | Bornkood ännern]

Inwahners[ännern | Bornkood ännern]

Minner weern vun de Minschen in Georgien 1992-2003

In Georgien gifft dat 4.700.000 Inwahners. Vun 1991 af an hefft 1.000.000 Minschen dat Land verlaten. Mank 2000 un 2005 is de Inwahnertall vun Georgien jedet Jahr üm 0,9% minner wurrn. Dat hett besunners to doon mit de Weertschup vun dat Land. Dor is dat bannig mit daal gahn. Besunners de Lüde hefft dat Land achter sik laten, de an de Scholen goot utbillt wurrn sünd. De hefft sik in annere Länner eenen Arbeitsplatz söcht, besunners in de annern Staaten vun de GUS, man denn ok in Westeuropa un in de USA. De gröttste Gemeenschup vun Georgiers in dat Butenland leevt in Moskau. Dor sünd dat üm un bi 300.000.

Bit nah den 2. Weltkrieg weer Georgien een Buurnland. De düütsche Politiker Karl Kautsky hett 1921 seggt, Georgien, dat weer een sozialistisch Buurnrepublik. Man Josef Stalin hett de Industrie nah Georgien bröcht. Vun dor af an trecken jümmers mehr Lüde in de groden Städer. Hüdigendags leevt 52,3% vun de Inwahners in de Städer un 47,7,% up dat platte Land. Vunwegen de Börgerkriegen in Abchasien un Süüdossetien mössen bi 250.000 Lüde ut jem ehr Heimat utkniepen oder sünd ok verdreben wurrn. In dat Jahr 2004 hett Georgien bi 230.000 Minschen ut Abchasien un 12.200 ut Süüdossetien upnahmen. Dor kaamt noch bi 2.600 Flüchtlingen ut Tschetschenien to.

Volksgruppen[ännern | Bornkood ännern]

Al jümmers hett dat in Georgien veel Volksgruppen geven. Hüdigendags sünd dat 26: 83,8 % vun de Inwahners sünd Georgiers, 6,5 % Aseris, 5,7 % Armeniers, 1,5 % sünd Russen, 0,9 % sünd Osseten, 0,1 % sünd Abchasen un tohopen 1,51 % höört noch to anner Volksgruppen to as Greken un Kurden.

Vun 1989 af an hefft veel Russen dat Land verlaten. Jem ehr Andeel an de Inwahners in Georgien is binnen 13 Jahren üm 4,8 % dalgahn. Ok allerhand Kurden hefft dat Land vun 1992 af an verlaten.