Lari (Geldsoort)

Vun Wikipedia
Wesseln na: Navigatschoon, Söök
Lari-Banknoten

De Lari (georgsch ლარი; ISO-Code: GEL) is de natschonale Geldsoort van Georgien. Se wurr van de Georgisch Natschoonalbank (NBG) an 25. Dezember 1995 in Umloop brocht un as dat eenzig gesetzlich Betallmiddel in't Land fastleggt. 1 Lari wurrd ünnerdeelt in 100 Tetri.

Dat Wort Lari bedüüd in de georgsche Spraak sowohl Schatz as ok Eegendom. Tetri is een old georgsche Begreep för Sülvermünten ut dat 13. Johrhunnert.

Banknoten sünd in Wert van 1, 2, 5, 10, 20, 50, 100 un 200 Lari in Umloop. Se wiesen Afbildungen van Niko Pirosmani (1 Lari), Sachari Paliaschwili (2 Lari), Iwane Dschawachischwili (5 Lari), Akaki Zereteli (10 Lari), Ilia Tschawtschawadse (20 Lari), Königin Tamara (50 Lari), Schota Rustaweli (100 Lari), Kakuza Tscholoqaschwili (200 Lari), David den Erbooer (500 Lari). Münten givt dat to 1, 2, 5, 10, 20 un 50 Tetri un siet 2006 ok to 1 un 2 Lari.

All georgsche Banknoten drocht up de Vördersiet de georgsche Bordschgali, een Sünnsymbol mit söben Flögels un up de Achtersiet in engelsch de Upschrift Georgia. In de Johren 1999 un 2000 hett de Natschoonalbank afännert Geldschiens mit niege Sekerheetsmarkierungen rutgeben.

De Lari is free konverteerbar. He hett de georgsche Couponwährung (georgsch Kuponi) aflööst, een Notgeld, dat tüschen 1993 un 1995 parallel to de russch Rubel un Währungen ut den Westen bruukt wurrn is.

Münten[ännern | Bornkood ännern]

Weblenken[ännern | Bornkood ännern]