Juggernaut

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Juggernaut
Düütsch Titel: 18 Stunden bis zur Ewigkeit
Produkschoonsland: Grootbritannien
Johr vun’t Rutkamen: 1974
Läng: 106 Minuten
Originalspraak: Engelsch
Öllersfreegaav in Düütschland: FSK 16
Filmkru
Speelbaas: Richard Lester
Dreihbook: Richard DeKoker
Alan Plater
Produkschoon: Richard DeKoker
David V. Picker
Musik: Ken Thorne
Kamera: Gerry Fisher
Snitt: Antony Gibbs
Dorstellers

Juggernaut (op platt so veel as „Groten Putt“; dt. Titel: 18 Stunden bis zur Ewigkeit) is de Titel vun en britischen Thriller ut dat Johr 1974 vun den Speelbaas Richard Lester mit Richard Harris un Omar Sharif in de Hööftrullen.

Inholt[ännern | Bornkood ännern]

Dat Krüüzfohrtschip S.S. Britannic is midden in’n Atlantik ünnerwegens mit’n masse Lüüd, de an Boord ’n beten utspannen wüllt. Den kriggt de Reedereevörstand Nicholas Porter en Anroop vun en Mann, de sik sülvst Juggernaut nöömt. De vertellt, dat op dat Schipp söven Bomben mit’n Tiettünnerer versteken hett, de in achtteihn Stünnen explodeeren schüllt. De Bomben sünd mit Fallen utstaffeert, de dorvör sorgen schüllt, dat een de nich utschalten kann. Verbunnen is de Informatschoon mit de Foddern vun en hoge Geldsumm. Üm den Eernst vun de Laag to demonstreeren lett Juggernaut een vun de Bomben glieks tünnern.

Porter will nix op’t Speel setten un will dat Geld betahlen, man de Regeeren is dorgegen, op de Erpressen intogahn. En Bombenfackmann vun de britischen Marine, Anthony Fallon, warrt bi stormsche See mit sien Lüüd op dat Schip bröcht, üm gegen de Bombengefahr antogahn. Togliek versöcht de Scotland Yard-Beamte John McCleod den Erpresser utfinnig to maken. He arbeidt mit groten Iever doran, nich opletzt ok, wieldat sien egen Fro un sien beiden Kinner mit an Boord sünd.

Dat duert nich lang, bit de boglieken Bomben an Boord funnen worrn sünd. Se all sünd dor komplizeerte Mechanismen schuult un künnt nicht wegnahmen warrn. Fallon un sien Grupp maakt sik doran, de Bomben uteneen to nehmen. Man, bi den Versök geiht een vun de Bomben hooch un ’n beten later noch en tweete. Dorbi kamt ok Lüüd to Dood, dorünner ok Charlie, de Fründ un eerste Helpsmann vun Fallon. Dorna will Fallon opgeven, man op eenmol tütt Juggernaut sien Geldfoddern torüch, aver ahn to vertellen, woans de Bomben utschallt warrn künnt. Fallon mutt also wedder an de Arbeit gahn, üm in de verbleven Tiet en Lösen to finnen. Klor is, dat en wietere Explosion dat Schipp to’n afsupen bringen deit – un de stormsche See maakt dat unmööglich, de Lüüd vun Boord to evakueeren.

Wiel de Tiet weglöpt warrt de Erpresser as Sidney Buckland kennt un fastnahmen. Dat stellt sik rut, dat he de olle Lehrmeester vun Fallon is, de sien Bomben boot hett, wieldat he verargert is över de Oort, as he vun de Regeeren behannelt worrn is. De Saak spitzt sik to: Kort vör’t Aflopen vun de Tiet hett Fallon den Tünnerer isoleert un stieht opletzt för de Fraag, wat he den blauen oder den roden Draht dörsnieden mutt. Mit disse Wahl vör Ogen is Fallon över Funk mit dat Polizeirevier verbunnen, woneem Buckland fasthollen warrt. He foddert em op, em to seggen, wat he maken schall. Buckland seggt em opletzt, dat he den blauen Draht dörsnieden mutt. Fallon tögert un beslutt, lever den roden Draht dörtosnieden. In letzte Sekunn kann he so de Katastroph hinnern.

Anners wat[ännern | Bornkood ännern]

Dreiht worrn is de Film in de Twickenham Film Studios in London un op dat Schip Maxim Gorkiy, dat dormols noch Hamborg heten hett.[1] In de britschen Kinos is en Filmversion wiest worrn, in de an’n Enn de verkehrte Draht dörsneden warrt un de Bomb hooch geiht.

Kritiken[ännern | Bornkood ännern]

Jack Sommersby hett in EFILMCRITIC.COM schreven, dat Juggernaut meist de beste Katastrophenfilm vun de 1970er Johren wesen is. He laav de Actionszenen, dat se „fein doseerte“ Spannung levern un laav ok de Prise Humor in’n Film.[2]

In’t Lexikon vun’n internatschonalen Film warrt de Film as’n „dichten Thriller“ betekent mit en „utklügelt Spannung“. De Süddeutsche Zeitung segg över den Film, dat he „spannend konstrueert“ weer un snack ok den „ünnerswelligen Humor“ an.[3]

Borns[ännern | Bornkood ännern]

  1. Drehorte für Juggernaut
  2. www.rottentomatoes.com
  3. www.br-online.de

Weblenken[ännern | Bornkood ännern]