Xcalak

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Xcalak
Laag vun Xcalak in Mexiko
Basisdaten
Bundsstaat: Quintana Roo
Municipio: Othón P. Blanco
Inwahners:
Hööchd: 1 m över de See
Postleettall: 77940
Vörwahl: 983
Geograafsche Laag:
Koordinaten:18° 16′ N, 87° 50′ W
18° 16′ N, 87° 50′ W

Luftbild von Xcalak
Zaragoza-Kanaal

Xcalak is en Oort mit 375 Inwahners (Stand 2010) in dat Municipio Othón P. Blanco in’n Bundsstaat Quintana Roo, Mexiko. De Oort liggt direkt an de Costa Maya von de Karibische See.

Geografie[ännern | Bornkood ännern]

De Oort liggt op en Halvinsel an de Bucht von Chetumal. Vör de Küst doot Krallenriffs liggen, de Deel von dat Great Maya Reef sünd.

De Naveröörd sünd San Pedro Town (Belize) in’n Süden, Sarteneja (Belize) in’n Westen, Chetumal in’n Noordwesten un Río Huach un Mahahual in’n Noorden.

Historie[ännern | Bornkood ännern]

Al bevör de Europäers na Amerika kemen, hett dat in Xcalak en Maya-Oort geven. De hüdige Oort is aver eerst 1900 grünnt worrn, as de mexikaansche Marien dor en Basis anleggt hett. De Naam is von de ole Maya-Stadt nahmen worrn.

In de Neegd is gliektiedig ok de Zarogoza-Kanaal anleggt worrn, de de Bucht von Chetumal mit de Karibische See verbinnt. De Kanaal hett de Opgaav, dat mexikaansche Fohrtüüg ut de Bucht rutföhren köönt, ahn dat se dör de Hoheitsrebeden von Belize dör mööt.

1955 is de Oort swoor von’n Hurrikan Janet drapen worrn.

Fröher weer de Fischeree wichtig för’n Oort, aver vondaag warrt jümmer mehr de Tourismus wichtiger.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De eenzige Straat ut Xcalak rut föhrt in’n Noorden na Mahahual un von dor na de MEX 307, de in’n Süden na Chetumal föhrt un in’n Noorden över Felipe Carrillo Puerto na Playa del Carmen. Düsse Straat besteiht siet 1980. Vörher lööp Verkehr un Hannel in Xcalak vör allen över de See.

Bi Xcalak liggt ok en lüttjen Flegerplatz.

Weblenken[ännern | Bornkood ännern]

Commons-logo.svg Xcalak. Mehr Biller, Videos oder Audiodateien to’t Thema gifft dat bi Wikimedia Commons.