Mahahual

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Mahahual
Laag vun Mahahual in Mexiko
Basisdaten
Bundsstaat: Quintana Roo
Municipio: Othón P. Blanco
Inwahners: 920
Hööchd: 1 m över de See
Postleettall: 77976
Vörwahl: 983
Geograafsche Laag:
Koordinaten:18° 43′ N, 87° 42′ W
18° 43′ N, 87° 42′ W

Blick över Strand un Oort

Mahahual is en Oort mit 920 Inwahners (Stand 2010) in dat Municipio Othón P. Blanco in’n Bundsstaat Quintana Roo, Mexiko. De Oort liggt direkt an de Costa Maya von de Karibische See.

Geografie[ännern | Bornkood ännern]

Luftbild von en Deel von’n Oort

De Oort liggt op de Halvinsel twüschen de Bucht von Chetumal un de Karibische See. Vör de Küst doot Krallenriffs liggen, de Deel von dat Great Maya Reef sünd.

De Naveröörd sünd Río Huach un Xcalak in’n Süden, Chetumal, Calderitas un Luis Echeverria Álvarez in’n Süüdwesten, Pedro Antonio Santos un Limones in’n Noordwesten un Punta Herrera in’n Noordoosten.

Historie[ännern | Bornkood ännern]

De Oort weer fröher en Fischerdörp. Vondaag is aver vör allen de Tourismus för’n Oort wichtig un de Oort is von Hotels, Bars, Restaurants un Ladens präägt, de sik an Krüüzfohrttouristen richt, de an de Riviera Maya ünnerwegens sünd. De Krüüzfohrtscheep maakt an’n Anlegger von Costa Maya fast.

Aktivitäten för Touristen sünd ünner annern Swemmen, Duken, Snorkeln un Angeln.

Ok Utflöög na dat Atoll von Banco Chinchorro warrt von Mahahual ut anbaden.

An’n 21. August 2007 is de Oort von Hurrikan Dean swoor drapen worrn. 80 % von de Gebüüd in Mahahual hebbt dorbi Schaden nahmen. Ok Hurrikan Ernesto hett 2012 den Oort drapen.

Weertschop un Infrastruktur[ännern | Bornkood ännern]

Krüüzfohrtschipp an’n Anlegger von Costa Maya
Lüchttoorn von Mahahual

Verkehr[ännern | Bornkood ännern]

De eenzige Straat ut Mahahual rut föhrt in’n Noordwesten na de Carretera Federal 307 (MEX 307) twüschen Pedro Antonio Santos un Limones. De MEX 307 löppt in’n Süüdwesten na Bacalar un Chetumal un in’n Noorden över Felipe Carrillo Puerto na Playa del Carmen. Von Mahahual loopt ok Straten na Xcalak in’n Süden un Punta Herrera in’n Noordoosten, de aver in de beiden Öörd toenn sünd.

Bi Mahahual liggt de lüttje Flegerplatz Aeropuerto Regional de Mahahual.

För den Touristenverkehr is aver vör allen de Anlegger von Costa Maya wichtig, an den Krüüzfohrtscheep fastmaken doot.

Weblenken[ännern | Bornkood ännern]

Commons-logo.svg Mahahual. Mehr Biller, Videos oder Audiodateien to’t Thema gifft dat bi Wikimedia Commons.