Wremerdeep
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27638 | |
| Vörwahl: | 04705 | |
| Geograafsche Laag: | Koordinaten:53° 39′ N, 8° 30′ O53° 39′ N, 8° 30′ O | |
|
| ||
Wremerdeep (hoochdüütsch Wremertief) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers bi Wreem mit bi.
Geografie[ännern | Bornkood ännern]
De Oort liggt in de Masch von Land Wusten glieks achter’n Diek von de Noordsee un an de Münn von de Wremer Waterlöös.
De Naveröörd sünd Smarrn, Rielk un Rintzeln in’n Noorden, Misselwarden in’n Noordoosten, Noordwierde un Wreem in’n Oosten, Wremerbüttel in’n Süüdoosten un Hungerhörn un Hofe in’n Süden.
Historie[ännern | Bornkood ännern]
De Naam von’n Oort kummt von de Laag an de Münn von de Wremer Waterlöös in de Noordsee. So en Münn warrt Deep nöömt.
1517 hett dat de Slacht an’t Wremer Deep geven, in de ok Tjede Peckes doodbleven is.
In Wremerdeep leeg de Haven von Wreem, för den vör allen de Fischeree op Granaat wichtig weer.
Vondaag is aver vör allen de Tourismus wichtig för den Oort. Dat gifft dor Restaurants, en Campingplatz un veel Feernwahnungen.
Von 1906 bet 1930 hett de Lüchttoorn Lütten Preuß in Wremerdeep stahn. 2005 is he för den Tourismus wedder opboot worrn.
Wremerdeep liggt in’n Westen von Land Wusten un de See hett dor – anners as annerwegens, wo de See Sand un Slick aflagert hett – an de Küst freten.
As na de Stormflood von 1962 de Dieken an de Noordsee all höger boot worrn sünd, is 1967 ok de Diek in Land Wusten nee maakt worrn. Von wegen dat de Hüüs von Wremerdeep so dicht an’n olen Diek legen hebbt un dor nich noog Platz för den högeren un brederen ne’en Diek weer, müssen söven von de Hüüs afreten warrn.[1]
Verwaltungsgeschicht[ännern | Bornkood ännern]
De Oort weer vör 1852 in dat Wremer Veerdel von dat Kaspel Wreem un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.
Mit de Gemeenreform in Neddersassen an’n 1. März 1974 is de Gemeen Wreem Deel von de Samtgemeen Land Wusten worrn. To’n 1. Januar 2015 is de Gemeen oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.
Inwahnertall[ännern | Bornkood ännern]
| Johr | Inwahners |
|---|---|
| 1791[2] | 2 Füürsteden |
| 1. Dezember 1871[3] | 65 Lüüd, 13 Hüüs |
Religion[ännern | Bornkood ännern]
Wremerdeep is evangeelsch-luthersch präägt un höört to dat Kaspel von de Willehadi-Kark in Wreem.
För de Kathoolschen is de Hillig-Hart-Jesu-Kark in Bremerhoben-Leh tostännig.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Över lüttjere Straten is Wremerdeep verbunnen mit de Landsstraat 129 in Wreem, de in’n Noordoosten na Mulsen, Dourm un Millm geiht un in’n Süüdoosten över Dingen un Weddewarden na Speckenbüttel. Von Wreem ut na Oosten löppt de Kreisstraat 66, de in Sievern de L 135 krüüzt un bi Debst an de L 118 un de L 120 ran geiht.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 5 Debst liggt so 13 Kilometer in’n Süüdoosten von Hülsen an de L 120.
De nächste Bahnhoff is so bi twee Kilometer wied weg in’n Oosten de Bahnhoff Wreem an de Bahnlien Bremerhoben–Cuxhoben.
Footnoten[ännern | Bornkood ännern]
- ↑ Der Wremer Ortsteil Schmarren wurde dem Meer geopfert; Wremen un die Sturmfluten
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 257
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154