Wisch (Gemeen Kumbarg)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21784 | |
| Vörwahl: | 04752, 04753 | |
| Geograafsche Laag: | Koordinaten:53° 48′ N, 9° 7′ O53° 48′ N, 9° 7′ O | |
|
| ||
Wisch (hoochdüütsch Wiese) is en lütten Oort in de Gemeen Kumbarg (Samtgemeen Land Hadeln) in’n Landkreis Cuxhoben, Neddersassen.
Geografie
[ännern | Bornkood ännern]De Oort liggt direkt achtern Diek von de Oost.
De Naveröörd sünd Süderdiek in’n Noorden, Neenslüüs un Wetterdiek in’n Oosten, Olendecken un Portshemm in’n Süüdoosten, Laak un Neendiek in’n Süden, de Snook, Marn un Neenseebagen in’n Süüdwesten un Itzwöörden in’n Westen.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort hett vör 1885 to dat Kaspel Geversdörp in dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort höört al von öllers bi de Gemeen Geversdörp mit bi, de an’n 1. November 2016 Deel von de Gemeen Kumbarg worrn is.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 1 Füürsteed |
| 1848[2] | 18 Lüüd, 1 Huus |
| 1. Dezember 1871[3] | 16 Lüüd, 3 Hüüs |
| 1. Dezember 1885[4] | 28 Lüüd, 4 Hüüs |
| 1. Dezember 1905[5] | 27 Lüüd, 4 Hüüs |
Religion
[ännern | Bornkood ännern]Wisch is evangeelsch-luthersch präägt un höört to dat Kaspel von de Andreas-Kark in Geversdörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
[ännern | Bornkood ännern]För Wisch is de freewillige Füürwehr Geversdörp mit tostännig.
Verkehr
[ännern | Bornkood ännern]De Straat an’n Diek von de Oost, an de Wisch liggt, löppt in’n Westen na Itzwöörden un münnt dor in de Landsstraat 111. In’n Oosten geiht se na Neenslüüs un is dor anbunnen an de Kreisstraat 26, ut de in’n Landkreis Stood de K 6 warrt, de denn in Süderdiek ok an de L 111 ran föhrt. De L 111 löppt in’n Oosten na Freeborg un in’n Süüdwesten an Geversdörp langs na Dingwöörden an de Bundsstraat 73.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 31 Kilometer in’n Noordwesten von Wisch an de B 73.
De nächste Bahnhoff is so bi acht Kilometer wied weg in’n Süüdwesten de Bahnhoff Kumbarg an de Nedderelvbahn twüschen Cuxhoben un Hamborg.
Scholen
[ännern | Bornkood ännern]De Kinner ut Wisch gaht na de Grundschool Neehuus. Fröher harr de Oort ok en egen lüttje Volksschool.
Lüüd
[ännern | Bornkood ännern]De plattdüütsche Schriever Walter Klie is as Söhn von’n Schoolmeester in Wisch boren.
Footnoten
[ännern | Bornkood ännern]- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 666
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 137
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 156
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 127